الماتىدا جانارماي بەكەتىندە ەر ادامدى سوققىعا جىققان كۇدىكتى ۇستالدى - ۆيدەو

الماتى. قازاقپارات - الماتىدا جانارماي قۇيۋ بەكەتىندە بەلگىسىز بىرەۋ ەر ادامدى ۇرىپ تاستادى. كۇدىكتى ۇستالدى، دەپ حابارلايدى قازاقپارات ءتىلشىسى.

سوققىعا جىعىلىپ، بەت-اۋزى قانعا بويالعان ەر ادامنىڭ ۆيدەوسى الەۋمەتتىك جەلىدە پايدا بولدى.

بەينەجازبا اۆتورىنىڭ ايتۋىنشا، وقيعا 6-شىلدە كەشكى ساعات 20:00 كەزىندە ب. مومىش ۇلى كوشەسىمەن رىسقۇلوۆ داڭعىلىنا جەتپەي، رويال پەترول جانارماي بەكەتىندە بولعان.

ەكى جىگىت كەزەكتى ۇزاق كۇتتىرىپ قويعان جۇرگىزۋشىنى سوققىعا جىعىپ، كولىگىنە وتىرىپ كەتىپ قالعان.

قالالىق پوليتسيا دەپارتامەنتىنىڭ باسپا ءسوز قىزمەتى بۇل فاكت سوتقا دەيىنگى تەرگەۋدىڭ ءبىرىڭعاي تىزىلىمىنە ق ر ق ك 293-بابى بويىنشا تىركەلگەنىن ءمالىم ەتتى.

«33 جاستاعى ەر ادامدى ۇردى دەگەن كۇدىكپەن 2001 -جىلى تۋعان ش. ەسىمدى ازامات ۇستالدى. جابىرلەنۋشىگە العان دەنە جاراقاتىنىڭ اۋىرلىعىن انىقتاۋ ءۇشىن سوت- مەديتسينالىق ساراپتاما تاعايىندالدى، ونىڭ ناتيجەسى بويىنشا پروتسەسسۋالدىق شەشىم قابىلدانادى»، - دەپ حابارلادى پوليتسيادان.