ەسماعامبەتوۆا ۆاكسينا العانداردىڭ قانشا پايىزى كوروناۆيرۋس جۇقتىرعانىن ايتتى

نۇر-سۇلتان. قازاقپارات - سانيتارلىق- ەپيدەميولوگيالىق باقىلاۋ كوميتەتىنىڭ ءتوراعاسى ايجان ەسماعامبەتوۆا ۆاكسينا العاننان كەيىن كروناۆيرۋس جۇقتىرعانداردىڭ ستاتيستيكاسىن اتادى، دەپ حابارلايدى قازاقپارات.

«بۇگىنگى تاڭدا ەلىمىز بويىنشا ۆاكسينا العاننان كەيىن 2212 كوروناۆيرۋس جۇقتىرۋ جاعدايى تىركەلدى. سونىڭ ىشىندە ءبىرىنشى كومپونەتتەن كەيىن 1308 جاعداي، ەكىنشى كومپونەنتتەن كەيىن 904 جاعداي انىقتالدى»، - دەدى كوميتەت ءتوراعاسى.

سونداي-اق، ول اتالعان ستاتيستيكانى ۆاكسينالاردىڭ تۇرىنە ءبولىپ ايتىپ بەردى.

«ۆاكسينالارعا جىكتەپ ايتساق، «سپۋتنيك V» بويىنشا 2024 جاعداي انىقتالدى. ءبىرىنشى كومپونەنت - 1190، ەكىنشى كومپونەنت - 834. QazVac بويىنشا 40 جاعداي تىركەلدى. سايكەسىنشە، 21 جانە 19. Hayat-Vax بويىنشا 140 (89/51) جانە CoronaVac بويىنشا 6 ادام ءبىرىنشى دوزادان كەيىن كوروناۆيرۋس جۇقتىرعان. وسىنىڭ ءبارىن قوسساڭىز 2212 جاعداي شىعادى. ءبىراق بۇل مالىمەتتى ابسوليۋتتى ساندار كولەمىندە قولدانۋ دۇرىس ەمەس دەپ ويلايمىن. بۇگىندە بىزدە 4 ميلليونعا جۋىق ادام ەكپە العان. سونىڭ 0,05 پايىزى ۆاكسينا العاننان كەيىن اۋىرعان دەگەن ءسوز»، - دەدى ايجان ەسماعامبەتوۆا.