بارىنەن بيىك ۇشاتىن جىل قۇسى

نۇر-سۇلتان قازاقپارات - شۆەتسياداعى لۋند ۋنيۆەرسيتەتىنىڭ ساراپشىلارى الىس ساپار كەزىندە بارىنەن ەڭ بيىك ۇشاتىن قۇستى انىقتادى.

زەرتتەۋ ناتيجەسى كورسەتكەندەي، ماڭقى قۇسى (Gallinago media) جىل قۇستارى اراسىندا بارىنەن بيىك ۇشادى ەكەن.

Current Biology حابارلاعانداي، قۇستىڭ بۇل ءتۇرى كوبىنە شۆەتسيا جەرىن مەكەن ەتەدى. ال قىستا افريكا مەن ەكۆاتور سىزىعىنا جاقىن ماڭدى پانالايدى. قونىس اۋدارۋ ءۇشىن ولار 2-4 كۇن ىشىندە 6 مىڭ شاقىرىمدى ارتتا قالدىرادى. ۇشقاندا 28500 فۋت (8686 مەتر) بيىككە دەيىن كوتەرىلە الادى ەكەن.

زەرتتەۋشى ماماندار بىرنەشە قۇسقا بيىكتىكتى ولشەيتىن قۇرىلعى بايلاعان. ونىڭ ءبىرى افريكاعا قونىس اۋدارۋ كەزىندە 5 ساعات بويى 8 مىڭ مەتر بيىكتىكتە ۇشقان. ال ەڭ جوعارى ۇشقانى 8700 مەتر بولعان.

بۇل وزگە مەكەنگە قونىس اۋداراتىن جىل قۇستارى اراسىندا ەڭ بيىككە ۇشاتىن قۇس، - دەيدى عىلىمي جۇمىس اۆتورلارى.

عالىمدار ماڭقىنىڭ كۇندىز بيىكتە، تۇندە تومەن ۇشاتىنىن انىقتاعان. وسىنداي بيىكتىكتە ۇشاتىن وزگە جىل قۇستارى بولۋى دا مۇمكىن. ول دا ەندى قوسىمشا زەرتتەۋدى قاجەت ەتەدى.

massaget.kz