قازاقستان — الەمدەگى ەڭ قىمبات مەتالدى ەكسپورتتاۋشى جالعىز ەل
ەڭ قىزىعى، قازاقستان بۇل مەتالدى وندىرەتىن جانە ساتاتىن جالعىز مەملەكەت سانالادى. ەلىمىز ەكسپورتتايتىن الەمدەگى ەڭ قىمبات مەتالدىڭ ءبىرى - وسمي-187.
قازاقستان 2004-جىلى نارىققا وسمي-187 جەتكىزە باستاعانعا دەيىن ونىڭ باعاسى گرامىنا 100-200 مىڭ دوللار بولعان. قازىر وسمي-187 يزوتوپىنىڭ قۇنى گرامىنا 10 مىڭ دوللاردى قۇرايدى.
وسمي اق ءتۇستى، كوگىلدىر رەڭككە يە. التىننان 300 ەسە قىمبات فانتاستيكالىق ادەمى مەتال وسىلاي كورىنۋى كەرەك شىعار. وسميى بار سىرىڭكە قورابىنىڭ سالماعى كيلوگرامنان اسادى. الايدا ول راديواكتيۆتى ەمەس.
وسمي نارىعىن قالىپتاستىرعان جانە وسى مەتالدى ەكسپورتتاۋشى تەحنولوگيالىق وركەنيەتتىڭ دامۋىنا ىقپال ەتكەن قازاقستان بولدى. بۇرىن وسمي قورىتپاسىنان ەكسكليۋزيۆتى ساعاتتار مەن قالامدار عانا جاسالاتىن، ال ونى تۇتىنۋ شامالى بولاتىن. قازىر بۇل سالادا سۇرانىس ارتتى. بولاشاقتا وسمي، ليتي جانە وتتەگىدەن ۋلترا قۋاتتى كۆانتتىق كومپيۋتەرلەر شىعارۋ جوسپارلانىپ جاتىر.
قازاقستاننان باسقا ا ق ش، اۋستراليا، كولۋمبيا جانە كانادادا وسمي كەن ورىندارى بار، ءبىراق ونى تەك قازاقستان عانا ەكسپورتتايدى. وسميدى ءوندىرۋ مەملەكەتتىك مونوپوليا. سوندىقتان، الەمدەگى ەڭ قىمبات مەتالدى ساتۋدان تۇسكەن بارلىق كىرىستەر ەل قازىناسىنا اۋدارىلادى.
وسمي-187 اەروعارىش سالاسىندا، راكەتا جاساۋدا، قازىرگى زامانعى تەحنولوگيالار مەن كوپتەگەن دارىلىك پرەپاراتتاردى سينتەزدەۋ كەزىندە پايدالانىلادى.
ايتا كەتەيىك، وسمي-187 مەتالدان قىمبات تەك تااففەيت، تريتي، الماس، كاليفورني سىندى سيرەك كەزدەسەتىن مەتالدار.
تااففەيتتىڭ ءبىر گرامى 20000 دوللار، تريتيدىڭ ءبىر گرامى 30 مىڭ دوللار، الماستىڭ ءبىر گراممى 55 مىڭ دوللار، ال كاليفورنيدىڭ گرامى 25-27 ميلليون دوللار تۇرادى.
massaget.kz
