قىتاي كومپانياسى سمارتفون-درون جاساپ شىعارادى

نۇر-سۇلتان. قازاقپارات - قىتايدىڭ Vivo كومپانياسى كامەراسى درون تۇرىندە ۇشاتىن سمارتفوندى پاتەنتتەدى.

سىرتقى قۇرىلعى كادىمگى سمارتفونعا ۇقسايدى، ءبىراق ونىڭ جوعارعى جاعىندا ەرەكشە كونسترۋكتسيا بار.

سمارتفوننىڭ ديزاينى دۇنيەجۇزىلىك زياتكەرلىك مەنشىك ۇيىمىنىڭ (WIPO) سايتىنداعى پاتەنتتىك وتىنىمدە سيپاتتالعان. سمارتفوننىڭ جوعارعى جاعىندا ەكى كامەراسى (بىرەۋى جوعارى، ەكىنشىسى بۇيىرىنە قاراعان) جانە ءۇش ينفراقىزىل سەنسورى بار ىقشام درون ورنالاسقان. وسىنىڭ ارقاسىندا فوتوسۋرەتتەردى اۋەدەن تۇسىرۋگە بولادى.

ەگەر مۇنداي سمارتفون شىعارىلسا، ءوزىڭىزدى قاشىقتىقتان نەمەسە الىستاعى نىسانداردى سۋرەتكە تۇسىرە الاسىز. الايدا پاتەنتتە دروننىڭ قالاي باسقارىلاتىنى تۋرالى اقپارات جوق.

دروندى تىكەلەي سمارتفون ارقىلى باسقارادى دەگەن بولجام بار.

massaget.kz