دنەپردە قازاقستاننىڭ كونسۋلدىعى اشىلدى
ۋكراينانىڭ سىرتقى ىستەر ءمينيسترىنىڭ ورىنباسارى ەۆگەني ەنين ۋكراينانىڭ ەڭ ءىرى وندىرىستىك ءوڭىرى - دنەپروپەتروۆسك وبلىسىنداعى قازاقستاننىڭ قۇرمەتتى كونسۋلدىعىنىڭ اشىلۋى ماڭىزدى ەكەنىن ايتتى.
دنەپروپەتروۆسك وبلىسى قازاقستان رەسپۋبليكاسىمەن بۇرىننان ءداستۇرلى جاقىن قارىم-قاتىناستا. قازاقستان رەسپۋبليكاسىنىڭ ەلشىسى دارحان كالەتايەۆ ۋكرايناداعى قازاقستاننىڭ قۇرمەتتى كونسۋلدارى ينستيتۋتىنىڭ جۇمىسىن جوعارى باعالادى.
ينستيتۋت پاندەميا كەزىندە قيىن جاعدايعا دۋشار بولعان قازاقستان ازاماتتارىنا بارىنشا كومەك كورسەتكەن. ول قۇرمەتتى كونسۋلدىقتىڭ قازاقستان رەسپۋبليكاسىنىڭ تۇڭعىش پرەزيدەنتى - ەلباسىنىڭ تۋعان كۇنىندە اشىلعانىنىڭ ءمانى بار ەكەنىن ايتتى.
«ول ءۇشىن ۋكراينا جەرى مەن دنەپروپەتروۆسك وبلىسى - بوتەن جەر ەمەس. ءدال وسى جەردە بولاشاق قازاقستان كوشباسشىسىنىڭ ەڭبەك جولى باستالعان»، - دەدى قازاقستاندىق ديپلومات.
