تۇركىستان وبلىسىندا بيىلدىققا التىنشى ۇشەم دۇنيەگە كەلدى

تۇركىستان. قازاقپارات - تۇركىستاندىق دارىگەرلەر شالا تۋعان ۇشەمدى امان الىپ قالدى.

جىل باسىنان بەرى وڭىردە التىنشى ۇشەم دۇنيەگە كەلدى، دەپ حابارلايدى قازاقپارات.

وبلىستىق قوعامدىق دەنساۋلىق ساقتاۋ باسقارماسىنىڭ مالىمەتىنشە، نارەستەلەر تۇركىستان قالاسىندا ورنالاسقان 3№ وبلىستىق پەريناتالدىق ورتالىعىندا دۇنيەگە كەلدى.

ءۇش ۇل بالانى 39 جاستاعى ديلحۋمار يۋسۋپوۆا وتا ارقىلى بوسانعان. دارىگەرلەر تۋعاندا سالماعى نەبارى 1,7 كەلى (1700 گرام، بويى - 40 س م، 1700 گرام، بويى - 39 س م، 1970 گرام - بويى 42 س م) بولعان ءۇش ۇلدى 13 كۇن بويى كۇتىپ، جەتىلدىرگەن.

مەرزىمىنەن ەرتە تۋىلعان ۇشەم پەرزەنتحانا دارىگەرلەرىنىڭ باقىلاۋىنا الىنعان. مەديتسينا قىزمەتكەرلەرىنىڭ كومەگىمەن سابيلەر سالماق قوسىپ، جاعدايى جاقسارعان. تۇركىستاندىق دارىگەرلەردىڭ بىلىكتىلىگى مەن كۇتىمىنىڭ، تىنىمسىز ەڭبەگىنىڭ ارقاسىندا شالا تۋعان شاقالاقتار امان قالىپ، اناسى ولاردى باۋىرىنا باسا الدى.

مامانداردىڭ سوزىنشە، قازىر ولاردىڭ ومىرىنە ءتونىپ تۇرعان قاۋىپ جوق. نارەستەلەرگە جاقىندارى حاسان، حۋسان جانە مۋحامماد دەپ ات قويعان.

ايتا كەتسەك، ۇشەم دۇنيەگە كەلگەن وتباسىنىڭ ءتورت قىزى مەن ەكى ۇلى بار. 39 جاستاعى كەلىنشەك 9 بالانىڭ اناسى اتاندى. كوپبالالى انا ءۇي شارۋاسىندا، ال وتاعاسى قاراپايىم جۇمىسشى.

بىلتىر 3№ و پ و- دا ورتالىعىندا 10 مىڭعا جۋىق ءسابي دۇنيگە كەلدى. جىل باسىنان بەرى مۇندا 6 مىڭ نارەستە دۇنيەگە كەلگەن. ورتالىق دارىگەرلەرى جىل سايىن جۇزدەگەن شالا تۋعان نارەستەلەردىڭ ءومىرىن ساقتاپ قالۋدا.