ەلوردادا جاس وسپىرىمدەر اسپالى كوپىرگە شىعىپ كۇنگە قىزدىرىنعان

نۇر-سۇلتان. قازاقپارات - مەرەكەلىك دەمالىس كۇندەرى ەلوردانىڭ «قاراوتكەل» كوپىرىندە قۇتقارۋشىلار وقىس جاعدايعا تاپ بولعان، دەپ حابارلايدى قازاقپارات.

وقيعانىڭ ءمان-جايىن نۇر-سۇلتان قالاسى توتەنشە جاعداي دەپارتامەنتىنىڭ باسپا ءسوز قىزمەتى بىلاي دەپ باياندايدى.

«ەلوردادا دەمالىس كۇندەرى اپتاپ ىستىق بولعانى بەلگىلى. نۇر-سۇلتان قالاسى توتەنشە جاعدايلار دەپارتامەنتىنىڭ بولىمشەلەرى بۇل كۇندەرى كۇشەيتىلگەن تارتىپتە جۇمىس ىستەدى. تەك وسى دەمالىس كۇندەرى قۇتقارۋشىلار سۋدان ەكى ادامدى جانە قاراوتكەل كوپىرىندە ءۇش جاس ءوسپىرىمدى قۇتقاردى»، - دەپ جازىلعان رەسمي مالىمەتتە.

5- شىلدە كۇنى اۋەلى وزەننىڭ ارعى بەتىنە وتپەك بولعان ماس ايەل قۇتقارىلعان. ال 6- شىلدەدە قۇتقارۋشىلار وزەنگە باتىپ بارا جاتقان ادامدى بايقاپ، ۇرلەنگەن شەڭبەر ارقىلى جاس جىگىتتى قاۋىپتەن اراشالاپ قالعان.

«تاعى ءبىر ەرەكشە وقيعا 5- شىلدەدە بولدى. كەلىپ تۇسكەن حابارلاما بويىنشا قۇتقارۋشىلار شاقىرۋ ورنىنا 4 مينۋتتا جەتكەن. «قاراوتكەل» كوپىرىنىڭ «دوعاسىنا» شىعىپ الىپ، كۇنگە قىزدىرىنىپ جاتقان جاستاردى قۇتقارۋ ءۇشىن الپينيست قۇرال-جابدىعىن پايدالانۋعا تۋرا كەلدى. وسىلايشا ەكى كۇندە بەس ادام قۇتقارىلدى»، - دەپ جازادى داپەرتامەنتتىڭ باسپا ءسوز قىزمەتى.

نۇر-سۇلتان قالاسى توتەنشە جاعدايلار دەپارتامەنتى ازاماتتارعا سۋ قويمالارىندا بولعان كەزدە مىناداي ساقتىق شارالارىن ساقتاۋ كەرەكتىگىن ەسكەرتەدى.

- ماس كۇيدە شومىلماۋ،

- قايىق، كاتەر، ايلاقتاردان سۋعا سەكىرمەۋ؛

- تەكسەرىلمەگەن جانە جابدىقتالماعان جەرلەردە سۇڭگىمەۋ؛

- ءجۇزۋ شەكاراسىن بەلگىلەيتىن بەلگىدەن اسپاۋ،

- جۇزۋگە ارنالماعان زاتتارمەن جۇزبەۋ؛

- بالالاردى ەرەسەكتەردىڭ قاراۋىنسىز سۋعا جىبەرمەۋ.