نۇر-سۇلتاندا ماس جىگىتتەردىڭ توبەلەسى بەينەكامەراعا ءتۇسىپ قالدى

نۇر-سۇلتان. قازاقپارات - جەدەل باسقارۋ ورتالىعى تۇنگى ۋاقىتتا كەنەسارى كوشەسىندە ەكى ەر ادامنىڭ توبەلەسىن تىركەگەن، دەپ حابارلايدى قازاقپارات نۇر-سۇلتان قالاسى پوليتسيا دەپارتامەنتىنىڭ باسپا ءسوز قىزمەتىنە سىلتەمە جاساپ.

جانىنان ءوتىپ بارا جاتقان اۆتوموبيلدەرگە قاراماستان، جانجالداسقاندار جولدا توبەلەستى. ونىڭ ءبىرى تاقتايدى قولىنا الا سالىپ، ەكىنشىسىن سوققىعا جىققان.

وقيعا ورنىنا كەلگەن پاترۋلدىك پوليتسيا قىزمەتكەرلەرى قاقتىعىسقا قاتىسۋشىلاردى ۇستادى.

30 جانە 43 جاستاعى ەكى ادامنىڭ ەكەۋى دە ماس بولعان. قوعامدىق ءتارتىپتى بۇزۋشىلار بايقوڭىر اۋدانىنىڭ پوليتسيا باسقارماسىنا جەتكىزىلدى.

اتالعان فاكتى بويىنشا ق ر ق ك 293-بابى بويىنشا قىلمىستىق ءىس قوزعالدى، تەرگەۋ ءجۇرىپ جاتىر.