الماتى وبلىسىندا كامەلەتكە تولماعانداردى ساۋدالاعان ايەل سوتتالدى

تالدىقورعان. قازاقپارات - الماتى وبلىسىندا كامەلەتكە تولماعاندار ساۋداسىمەن اينالىسقان ايەل سوتتالدى. مۇنداي فاكتىنى الماتى وبلىسى پروكۋراتۋراسىنىڭ قىزمەتكەرلەرى انىقتاعان، دەپ حابارلايدى قازاقپارات ءتىلشىسى.

كامەلەتكە تولماعاندار ءىسى بويىنشا الماتى وبلىسىنىڭ №2-اۋدانارالىق مامانداندىرىلعان سوتىنىڭ ۇكىمىمەن ك. ب. ەسىمدى ازامات ق ر ق ك 135-بابى، 2-بولىگى، 2,12-تارماعى كامەلەتكە تولماعانداردى ساۋداعا سالعانى ءۇشىن 5 جىلعا باس بوستاندىعىنان ايرىلدى. الايدا جازا وتەۋ مەرزىمى سوتتالۋشىنىڭ ءوز بالالارى 14 جاسقا تولعانعا دەيىن شەگەرىلدى. سوت ۇكىمى زاڭدى كۇشىنە ەندى. بۇل ۇكىمدى شىعارۋعا تالعار اۋداندىق پروكۋراتۋراسىنىڭ كامەلەتكە تولماعاندارعا زاڭسىز قامقورشىلىق راسىمدەۋ دەرەگىن انىقتاۋ سەبەپ بولعان.

قازىرگى تاڭدا ازاماتشا ءوز كىناسىن مويىنداپ، پروتسەسسۋالدىق كەلىسىم جاسادى. بۇل باعىتتا جۇمىستار جالعاسىپ جاتىر.

اۆتور: سامال قابىشەۆا