قازاقستاندا جاڭا قارجى پيراميداسى انىقتالدى
الەۋمەتتىك جەلىلەر مەن اقپاراتتىق كەڭىستىكتى مونيتورينگىلەۋ بارىسىندا ينۆەستيتسيالىق قىزمەتتەن جوعارى تابىس تابۋعا ۋادە بەرە وتىرىپ، ءوز قىزمەتىن بەلسەندى جارنامالايتىن «Finiko» كومپانياسى انىقتالدى.
«Finiko» پايدالانۋشىلارعا «Сyfron Сapital Oـ» پلاتفورماسىندا كريپتوۆاليۋتالىق جانە باسقا ينۆەستيسيالىق قۇرالداردى ساتىپ الۋدى ۇسىنادى. بۇل جىلجىمايتىن مۇلىكتى، اۆتوموبيلدەردى ساتىپ الۋعا، مىندەتتەمەلەردى وتەۋگە جانە ينۆەستيتسيالاۋعا بايلانىستى جاعدايلاردى جالعان تۇردە ۇقساستىراتىن ويىن الاڭى. СYFRON - ەسەپتەۋلەر جۇرگىزىلەتىن كريپتوۆاليۋتا رەسمي ۆاليۋتا بولىپ تابىلمايدى جانە قارجىلىق قۇندىلىعى جوق. وسىلايشا، پايدالانۋشىلار اقشانى ناقتى ينۆەستيتسيالىق كومپانياعا ەمەس، جالعان ۆاليۋتاعا سالادى. ءوز كەزەگىندە، «Finiko» كومپانياسى وسى ويىن پلاتفورماسىن پايدالانۋ كەزىندە كۇنىنە %1-1,2 مولشەرلەمە بويىنشا كىرىس تولەۋدى ۋادە ەتەدى، بۇل حالىقتىڭ تەڭگەلىك دەپوزيتتەرى بويىنشا ورتاشا نارىقتىق مولشەرلەمەدەن 43 ەسەگە دەيىن اساتىن جىلدىق ەسەپتەۋدەگى تابىستىلىقتىڭ جوعارى دەڭگەيىنە سايكەس كەلەدى»، - دەپ اتاپ ءوتتى اگەنتتىك وكىلدەرى.
سونىمەن قاتار، «Finiko» تۇتىنۋشىلىق جانە يپوتەكالىق نەسيەلەردى وتەۋدى ۇسىنادى. كومپانيا، ەگەر ول قارىز سوماسىنىڭ %35 ىن سالسا، قاتىسۋشىنىڭ كرەديتى بويىنشا بارلىق سومانى تولەۋگە مىندەتتەنەدى. وسىعان ۇقساس شارتتار اۆتوكولىك پەن جىلجىمايتىن مۇلىكتى ساتىپ الۋ كەزىندە ۇسىنىلادى: جارنا مۇلىك قۇنىنىڭ كەمىندە %35 ىن قۇرايدى جانە 3-4 اي وتكەننەن كەيىن كومپانيا ونى ساتىپ الۋعا جانە قاتىسۋشىنىڭ مەنشىگىنە بەرۋگە ۋادە بەرەدى. كومپانيا سونداي- اق كەز كەلگەن ساتىپ الۋعا %25 عا دەيىن اقشانى قايتارۋدى ۇسىناتىن جالعان كەشبەك-كارتالار ەسەبىنەن ارتىق كىرىستىلىكتى جانە تەگىن قىزمەت كورسەتۋ كەزىندە اي سايىنعى قاراجات قالدىعىنا %6 سىياقى ۇسىنادى. بۇدان باسقا، وسى كارتا شەڭبەرىندە 1 دەن 5 ادامعا دەيىن تارتىلعانى ءۇشىن 1 دەن %10 عا دەيىن جوعارى پايىزدىق كەشبەك ۇسىناتىن رەفەرالدىق باعدارلاما ارەكەت ەتەدى. ايتا كەتەيىك، «Finiko» ءوتىنىشى بويىنشا كەشبەك- كارتوچكا MasterCard-پەن ىنتىماقتاستىقتا جاسالعان. الايدا «Finiko» MasterCard سەرىكتەستەرىنىڭ تىزىمىندە جوق.
«Finiko» كومپانياسى بانكتەردە ارنايى ەسەپ ايىرىسۋ شوتتارىن پايدالانبايدى. الاياقتىق وپەراتسيالاردى جۇرگىزۋ ءۇشىن ول اقشانى تەك قولما- قول نىساندا قابىلدايدى نەمەسە Qiwi-كوشەلەك، ياندەح-money، Easy Pay, PayPal جانە ت. ب. سياقتى ينتەرنەت- تولەمدەر مەن اۋدارىمداردىڭ ءتۇرلى جۇيەلەرىن پايدالانادى.
وسىلايشا، قاتىسۋشىلار سالىنعان قاراجاتتىڭ قايدا باعىتتالعانىن باقىلاي المايدى. قارجى پيراميداسىن ۇيىمداستىرۋ فاكتىسى بويىنشا رەسەي فەدەراتسياسىنىڭ اۋماعىندا «Finiko» كومپانياسىنىڭ اتىنا قىلمىستىق ءىس قوزعالدى»، - دەپ تولىقتىردى اگەنتتىكتە.
ق ر قارجى نارىعىن رەتتەۋ جانە دامىتۋ اگەنتتىگى «Finiko» قىزمەتىن قارجى پيراميداسى مەن قارجىلىق الاياقتىق بەلگىلەرى بار دەپ باعالايدى. بۇل كومپانيا قارجى ۇيىمدارىنا جاتپايدى، ويتكەنى ۋاكىلەتتى ورگاننىڭ ليتسەنزياسى جوق جانە تيىسىنشە حالىقتان اقشا تارتۋ، سەنىمگەرلىك باسقارۋ جانە تارتىلعان قاراجاتتى ينۆەستيتسيالاۋ جونىندەگى قىزمەتتى جۇزەگە اسىرۋعا قۇقىعى جوق. اگەنتتىك دەپوزيتتەر تۇرىندە نە قارجى قۇرالدارىنا ينۆەستيسيالاردى جۇزەگە اسىرۋ ءۇشىن اقشا تارتۋ تەك ەكىنشى دەڭگەيدەگى بانكتەر، ۇلتتىق پوشتا وپەراتورى جانە باعالى قاعازدار نارىعىنىڭ كاسىبي قاتىسۋشىلارى (بروكەرلەر- ديلەرلەر جانە باسقارۋشى كومپانيالار) جۇزەگە اسىرا الاتىن ليتسەنزيالاناتىن قىزمەت تۇرلەرىنە جاتاتىنىن ەسكە سالادى.
وسىعان بايلانىستى اگەنتتىك قازاقستان ازاماتتارىن ينۆەستيتسيالاۋدىڭ جانە «Finiko» كومپانياسىمەن شارتتىق قاتىناستار ورناتۋدىڭ، قاراجاتتى وسى كومپانيانىڭ شوتتارىنا اۋدارۋدىڭ نەمەسە قولما-قول اقشا بەرۋدىڭ قاۋىپتىلىگى تۋرالى حاباردار ەتەدى.
