ا ق ش پرەزيدەنتى «دەلتا» شتامىنا قاتىستى مالىمدەمە جاسادى
امەريكالىق كوشباسشى ءوز مالىمدەمەسىندە ەلدىڭ ءبىرقاتار شتاتىندا تىركەلگەن دەرەكتەردىڭ جارتىسىنا كوروناۆيرۋستىڭ «دەلتا» شتامى سەبەپ بولعانىن ايتتى.
«ميلليونداعان امەريكالىق ءالى كۇنگە دەيىن ۆاكسينا الماعان نەمەسە قورعالماعان. وسىعان بايلانىستى ولارعا قاۋىپ ءتونىپ تۇر. دوستارىنا، ولارعا قامقورلىق جاسايتىن ادامدارعا قاۋىپ ءتونىپ تۇر. بۇل «دەلتا« شتامىنىڭ تارالۋىنا بايلانىستى كۇردەلى ماسەلەگە اينالدى»، - دەدى ول.
بايدەننىڭ ايتۋىنشا، ۆاكسينا الماعاندار اراسىندا ينفەكسيانىڭ ودان ءارى ورشۋىنە جول بەرمەۋ ءۇشىن توتەنشە جاعدايلار فەدەرال اگەنتتىگىنىڭ، ا ق ش-تىڭ اۋرۋلاردى باقىلاۋ جانە الدىن الۋ ورتالىقتارى جانە باسقا دا اگەنتتىك ساراپشىلارى باسقاراتىن COVID-19-عا قارسى جەدەل ارەكەت ەتۋ توپتارى جۇمىلعان.
«بۇل كوماندالار شتاتتارداعى ناقتى ماسەلەلەردى شەشۋگە كومەكتەسەدى، جاڭا شتامنىڭ تارالۋىن بولدىرمايدى، انىقتايدى جانە سوعان جاۋاپ بەرەدى»، - دەدى پرەزيدەنت.
ساياساتكەر تىلشىلەرگە ايتقان سوزىندە حالىقتى بارلىق قاۋىپسىزدىك شاراسىن ساقتاۋعا شاقىردى.
«قازىر تىنىشتالا المايمىز»، - دەپ ەسكەرتتى بايدەن.
بۇعان دەيىن د د س ۇ ءۇندىستاندا تابىلعان كوروناۆيۋس مۋتاتسياسى جاھاندىق دەڭگەيدە «الاڭداۋشىلىق» تۋدىردى دەگەن بولاتىن. ددسۇ وكىلى مۋتاتسيالانعان ينفەكسيا باستاپقى SARS- CoV-2 شتامىنا قاراعاندا تەزىرەك تارالاتىنىن اتاپ ءوتتى.
