الماتىدا كوپقاباتتى ۇيدەن ءورت شىعىپ، تۇرعىندار ەۆاكۋاتسيالاندى - ۆيدەو

الماتى. قازاقپارات - الماتىدا كوپقاباتتى ۇيلەردىڭ بىرىنەن ءورت شىعىپ، تۇرعىندار ەۆاكۋاتسيالاندى، دەپ حابارلايدى قازاقپارات ءتىلشىسى.

الماتى قالالىق توتەنشە جاعدايلار دەپارتامەنتىنىڭ مالىمەتىنشە، 7-شىلدە كۇنى «101» پۋلتىنە بوستاندىق اۋدانى، بۇقار جىراۋ 27/5-گە كوشەسىندەگى كوپقاباتتى ۇيدەن ءتۇتىن شىققانى تۋرالى حابار كەلىپ ءتۇستى.

«ءورت سوندىرۋشىلەر وقيعا ورنىنا 12:43-تە كەلدى. ولار 13- قاباتتاعى پاتەردەن ءتۇتىن شىعىپ جاتقانىن انىقتادى. گاز-تۇتىننەن قورعاۋ قىزمەتى بارلاۋ جۇرگىزىپ، تۇرعىنداردى ەۆاكۋاتسيالادى، ورتكە قارسى شارالار قولعا الىندى»، - دەپ حابارلادى توتەنشە جاعدايلار دەپارتامەنتىنەن.

الدىن الا اقپارات بويىنشا ءورت 20 شارشى مەتر جەردى شارپىعان.

اۆتور: الما مۇقانوۆا