الماتىدا ءبىر تاۋلىكتە قانشا ادام ۆاكسينا سالدىردى

الماتى. قازاقپارات - الماتى قالاسىندا ءبىر تاۋلىكتە 10158 ادام كوروناۆيرۋسقا قارسى ۆاكسينا سالدىردى. بۇل تۋرالى قالالىق قوعامدىق دەنساۋلىق ساقتاۋ باسقارماسى ءمالىم ەتتى، دەپ حابارلايدى قازاقپارات ءتىلشىسى.

«6-شىلدە كۇنى 10158 الماتىلىق ۆاكسينا سالدىردى. بيىلعى جىلدىڭ 1-اقپانى مەن 6-شىلدەسى ارالىعىندا قالادا بارلىعى 540343 ادام ۆاكسينا سالدىردى، ونىڭ تولىق دوزاسىن 327303 ادام الدى»، - دەپ حابارلادى باسقارمادان.

قالادا 212 پۋنكت جۇمىس ىستەپ تۇر. 1260 ادامنان تۇراتىن 308 ەگۋ بريگاداسى بار. سونىمەن قاتار، 40 كوشپەلى موبيلدى بريگادا ۇيىمداستىرىلدى.

«قازىر مەديتسينا ۇيىمدارىندا، مەكتەپتەردە، مادەنيەت، سپورت وبەكتىلەرىندە، بازارلار مەن قالانىڭ سوسو- دا ۆاكسيناتسيا پۋنكتى جۇمىس ىستەيدى» - دەپ ناقتىلادى دەنساۋلىق ساقتاۋ باسقارماسىنىڭ باسپا ءسوز قىزمەتى.

اۆتور: الما مۇقانوۆا