«قازگيدرومەت» شىلدەدە قازاقستاننىڭ قاي وبلىستارىندا ەرەكشە قۋاڭشىلىق بولاتىنىن حابارلادى

نۇر-سۇلتان. قازاقپارات - ازىرلەنگەن ستاتيستيكالىق بولجامعا سايكەس شىلدە ايىندا اقتوبە وبلىسىنىڭ (نۇرا، ىرعىز)، قوستاناي (قارامەڭدى، امانگەلدى)، اتىراۋ (قۇلسارى) جانە ماڭعىستاۋ وبلىسىنىڭ (اققۇدىق) جەكەلەگەن پۋنكتتەرىندە ەكسترەمالدى قۋاڭشىلىق جاعدايلار كۇتىلەدى.

بۇل تۋرالى قازاقپارات «قازگيدرومەت» ر م ك- نا سىلتەمە جاساپ حابارلايدى.

قاتتى قۋاڭ - اقمولا (ەسىل، جاقسى، اتباسار)، اقتوبە (نوۆوروسسيسكوە، قارابۇتاق، باسقۇدىق، نۇرا، ىرعىز)، قوستاناي (پرەسنوگوركوۆكا، ارشالى، توبىل، ارالكول، تورعاي)، سولتۇستىك قازاقستان (تايىنشا) جانە ماڭعىستاۋ وبلىسىندا (سام).

ورتاشا قۋاڭ - اقمولا وبلىسىندا (بالكاشينو)، اقتوبە (كومسومولسكوە، تەمىر)، قوستاناي (ميحايلوۆكا، قاراسۋ، ءجىتىقارا، قۇسمۇرىن، ديەۆسكايا، جەلەزنودوروجنىي)، سولتۇستىك قازاقستان (ياۆلەنكا، سەرگەيەۆكا جانە رۋزايەۆكا)، شىعىس قازاقستان (لەنينوگورسك) ، جامبىل (قورداي) ، الماتى (4-شى اۋىل)، قىزىلوردا (قازالى) جانە اتىراۋ وبلىسىندا (اتىراۋ).

ماۋسىم ايىنىڭ سوڭعى ونكۇندىگىندە وتكەن مول جاۋىن- شاشىننىڭ ارقاسىندا، ورتاشا ىلعالدى جاعدايلار باتىس قازاقستان وبلىسىندا (جالپاقتال، جانىبەك، وردا)، شىعىس قازاقستان وبلىسىندا (باقتى) جانە ماڭعىستاۋ وبلىسىندا (بەينەۋ) بولجانادى.

قالعان اۋماقتاردا ىلعالدانۋ شارتتارى قالىپتى جاعدايعا جاقىن بولادى دەپ كۇتىلۋدە.

ايتا كەتۋ كەرەك، شىلدە ايىندا ەلىمىزدىڭ سولتۇستىك- شىعىس جارتىسىندا جاۋىن- شاشىن مولشەرى نورماعا جۋىق بولادى دەپ كۇتىلۋدە. ستاندارتتى جاۋىن-شاشىن يندەكسىنە نەگىزدەلگەن ىلعالداندىرۋ جاعدايلارىنىڭ ستاتيستيكالىق بولجامىن كونسۋلتاتيۆتىك بولجام رەتىندە قاراستىرعان ءجون. پايدالانىلعان بولجام ءادىسى جەتكىلىكتى ۇزاق كەزەڭدە تۇسكەن جاۋىن- شاشىننىڭ جيناقتالعان مولشەرىنىڭ الداعى ايلارداعى ىلعالدانۋ جاعدايلارىنا اسەرىن باعالاۋعا نەگىزدەلگەن.