«بۇل مەنىڭ اۋىر قاتەم» - نازاربايەۆ راحات اليەۆ تۋرالى
«بۇل مەنىڭ اۋىر قاتەم. ول قارجى پوليتسياسىنىڭ باسشىسى بولدى. وسى جاعدايىن پايدالانىپ، بيزنەستى تارتىپ الدى، اقشا جيناپ، الىپ قويدى. وعان بىردە «توقتا« دەگەنمىن. ءوزىڭىز ويلاپ كورىڭىزشى، مەنىڭ كۇيەۋ بالام. ءۇش جيەنشارىم بار. قىزىم، ءۇش جيەنشارىم جانە ونىڭ اكەسى بار، كەلدى... مەن «مەن نە ىستەي الامىن؟ ول - قىلمىسكەر» دەپ جاۋاپ بەردىم، - دەدى تۇڭعىش پرەزيدەنت.
وسىدان كەيىن وليۆەر ستوۋن بۇل نازاربايەۆقا وتە اۋىر تيگەن شىعار دەپ توپشىلادى.
«وتە اۋىر ءتيدى. بىرەۋ- مىرەۋ بولسا... ال مۇندا ءوز ادامىڭ، سەنىپ، ارقا سۇيەيدى دەگەن ادامىڭ...»، - دەدى ەلباسى بۇل تاقىرىپتى قوزعاعىسى كەلمەيتىن داريعا نازاربايەۆانى تۇسىنەتىنىن ايتىپ.
2015 -جىلى نۇرسۇلتان نازاربايەۆ تۋىستارىنىڭ راحات اليەۆ ىسىنە قانداي كوزقاراستا بولعانىن ايتىپ بەرگەن ەدى.
«نەگە جۇرت ءۇش جيەنشارىمنىڭ اكەسىن تۇرمەگە وتىرعىزعانىمدى ۇمىتتى؟ اناسىمەن بىرگە جىلاپ ماعان كەلمەدى دەپ ويلايسىزدار ما؟ كەلدى. ۋايىمدامادى دەيسىزدەر مە؟ ارينە، ۋايىمدادىم. ءبىراق مۇنىڭ انىق ەكەنىن، شەكتەن شىققاندىق ەكەنىن تۇسىنگەندە توقتاي المادىم. تۋىستار جينالدى، ءبارى كوندىرۋگە تىرىستى: «ءبارى ءوز قولىڭدا عوي، جابا سالساڭ قايتەدى». بارلىق تۋىسىما، بالالارىما، دوستارىما ەشكىم قۇتىلمايتىنىن ەسكەرتتىم»، - دەگەن ەدى ەلباسى.
ەسكە سالايىق، راحات اليەۆ - داريعا نازاربايەۆانىڭ كۇيەۋى. 2007 -جىلعا دەيىن ول اۆسترياداعى ەلشى قىزمەتىن اتقاردى، قازاقستاندا جالپى العاندا 40 جىلعا باس بوستاندىعىنان ايىرىلعان. وعان ءبىرقاتار اۋىر قىلمىس جاسادى دەگەن ايىپ تاعىلعان، ولاردىڭ ىشىندە وتانىنا ساتقىندىق جاساۋ، مەملەكەتتىك توڭكەرىس جاساۋ بار. سوت ۇكىمدەرى سىرتتاي شىعارىلعان، سەبەبى اليەۆ 2007 -جىلدىڭ كوكتەمىنەن بەرى شەتەلدە جاسىرىنعان.
اۆستريانىڭ قۇقىق قورعاۋ ورگاندارى راحات اليەۆتى 2014 -جىلدىڭ ماۋسىمىندا ۆەنادا ۇستاعان. قازاقستان باس پروكۋراتۋراسىنىڭ سول كەزدە تاراتقان مالىمەتى بويىنشا، ونى ۇستاۋعا «نۇربانك» ا ق توپ- مەنەدجەرلەرى جولداس تەمىراليەۆ پەن ايبار حاسەنوۆتى ۇرلاپ، ءولتىرۋ دەرەگى بويىنشا ماتەريالدار سەبەپ بولعان.
2015 -جىلدىڭ 23-اقپانىندا راحات اليەۆ ۆەناداعى ۋاقىتشا ۇستاۋ يزولياتورىندا اسىلىپ قالعان كۇيى تابىلعان.
