اتىراۋدا اسكەردەن ساربازدى كۇتكەندەر ءجۇرىپ كەلە جاتقان پويىزعا جارماسقان - ۆيدەو
الەۋمەتتىك جەلىدە تاراعان ۆيدەوعا قاراعاندا، بۇل وقيعا 4-شىلدەدە قىزىلقوعا اۋدانىنداعى ساعىز ستانساسىندا بولعان.
ساعىز ستانساسىنداعى جەلىلىك پوليتسيا ءبولىمىنىڭ باستىعى بولاتبەك ءىڭىربايدىڭ مالىمەتىنشە، جەرگىلىكتى جاستار اسكەردەن ورالعان ساربازدى كۇتىپ الۋعا جينالعان.
«پويىزبەن جارىسا جۇگىرگەن جاستار اۋدان ورتالىعىنان، وزگە ەلدى مەكەندەر مەن وكرۋگتەگى 3 اۋىلدان كەلگەن. ولار پويىز توقتاعانشا شىدامسىزدىق تانىتقان» - دەيدى بولاتبەك ءىڭىرباي.
ونىڭ ايتۋىنشا، ساعىز اۋىلىنىڭ 18-19 جاستاعى ەكى تۇرعىنى ۆاگون ەسىگىنىڭ باسقىشىنا ءمىنىپ العان. ولارعا قاتىستى ق ر اكىمشىلىك قۇقىقبۇزۋشىلىق تۋرالى كودەكستىڭ 560-بابىمەن (تەمىرجول كولىگى قۇرالدارىن پايدالانۋ قاعيدالارىن بۇزۋ) اكىمشىلىك حاتتاما تولتىرىلىپ، 5 ايلىق ەسەپتىك كورسەتكىش (14585 تەڭگە) كولەمىندە ايىپپۇل سالىندى.
ەسكە سالا كەتەيىك، بۇعان دەيىن اتىراۋ وبلىسىندا اسكەردەن دوسىن كۇتىپ العان تاعى ءبىر جاستارعا جول قوزعالىسى ەرەجەسىنە قايشى ارەكەتتەرى ءۇشىن ايىپپۇل سالىنعان بولاتىن.
