بەلارۋس پەن قازاقستان: ىنتىماقتاستىق پەن ساۋدا
بۇگىن، 3- شىلدە بەلارۋس رەسپۋبليكاسىنىڭ تاۋەلسىزدىگى كۇنى نازارلارىڭىزعا ارنايى «قازاقپارات» ح ا ا ءۇشىن بەلتا اقپارات اگەنتتىگى دايىنداعان ب ر مەن ق ر اراسىنداعى ىنتىماقتاستىقتىڭ 30 جىلدىق تاريحى تۋرالى ماتەريالدى ۇسىنامىز.
ەكى ەل اراسىنداعى ديپلوماتيالىق قاتىناستار 1992-جىلدىڭ 16- قىركۇيەگىندە ورناتىلدى.
1997-جىلى بەلارۋس رەسپۋبليكاسىنىڭ قازاقستانداعى ەلشىلىگى اشىلدى. ال قازاقستاننىڭ ەلشىلىگى بەلارۋستە 1995-جىلى اشىلدى. بەلارۋس رەسپۋبليكاسى مەن قازاقستان رەسپۋبليكاسى اراسىندا بەلسەندى ديالوگ ءجۇرىپ جاتىر.
ەكى ەل اراسىندا سونىڭ ىشىندە ت م د، ۇ ق ش ۇ، ەۋرازيالىق ينتەگراتسيا اياسىندا ەڭ جوعارى جانە جوعارى دەڭگەيدەگى ءىس ساپارلار، بەلارۋس جانە قازاقستان پرەزيدەنتتەرى مەن پرەمەر-مينيسترلەرىنىڭ اراسىندا كەزدەسۋلەر تۇراقتى تۇردە ىسكە اسىرىلىپ كەلەدى.
قازاقستان رەسپۋبليكاسى پرەزيدەنتىنىڭ 2017-جىلدىڭ قاراشا ايىندا مينسك قالاسىنا جاساعان ساپارى مەن بەلارۋس رەسپۋبليكاسى پرەزيدەنتىنىڭ 2019-جىلدىڭ قازان ايىندا نۇر-سۇلتان قالاسىنا جاساعان رەسمي ساپارى ەكى ەل اراسىنداعى قاتىناستاردىڭ ستراتەگيالىق سيپاتىن راستادى.
2017-جىلى بەلارۋس ەلى استانا قالاسىندا وتكەن «ەكسپو-2017» حالىقارالىق مامانداندىرىلعان كورمەگە قاتىستى.
بۇگىندە ەكىجاقتى ىنتىماقتاستىقتىڭ كەلىسىم-قۇقىقتىق نەگىزىندە 80 نەن استام حالىقارالىق كەلىسىم مەن قۇجات بار. قازاقستان بەلارۋس رەسپۋبليكاسىنىڭ تمد ەلدەرىمەن سىرتقى ساۋدا كولەمى جاعىنان كورشىلەس جانە باستى ساۋدا سەرىكتەستەرى رەسەي مەن ۋكراينادان كەيىن ءۇشىنشى ورىندا تۇر.
2020-جىلى بەلارۋس رەسپۋبليكاسىنىڭ قازاقستان رەسپۋبليكاسىمەن سىرتقى ساۋدا تاۋارلارىنىڭ كولەمى 847 ميلليون ا ق ش دوللارىنا جەتتى.
بۇل رەتتە بەلارۋستىڭ قازاقستانعا ەكسپورتى 747,1 ميلليون دوللار بولدى. 2020-جىلى بەلارۋستىڭ قازاقستان ەلىنە ەكسپورتىنىڭ نەگىزگى پوزيتسيالارى: تراكتور، سيىردىڭ جاس ەتى مەن سالقىنداتىلعان ەتى، ءسۇت، قويىتىلعان جانە قۇرعاق كىلەگەي، قانت، كومبايندار، ىرىمشىك، جيھاز، ءدارى-دارمەكتەر.
قازاقستان اۋماعىندا بەلارۋس تەحنيكاسى مەن جابدىقتارىن بىرلەسىپ قۇراستىراتىن 7 ءىرى ءوندىرىسى («م ت ز» ا ا ق، «گومسەلماش» ا ا ق، «م ا ز» ا ا ق، «بوبرۋيسك اگروماش» ح ب ك» ا ا ق جانە ت. ب) جۇمىس جۇرگىزىپ كەلەدى.
قازاقستان نارىعىندا بەلارۋستىڭ تانىمال تاۋار ماركالارى: «كونتە»، «ماركو»، «ميلاۆيتسا»، «مارك فورمەل»، «پينسكدريەۆ»، «گومەلدريەۆ»، «كەرامين»، «بەللەسيزدەليە»، «اليۋتەح»، «كوممۋناركا»، «سانتا-برەمور» تاۋارلارى، سونداي-اق جەتەكشى وتاندىق وندىرۋشىلەردىڭ ەت- ءسۇت ونىمدەرى كەڭىنەن ۇسىنىلعان.
جالپى العاندا، بەلارۋس كاسىپورىندارىنىڭ قازاقستانداعى تاۋار وتكىزۋ جەلىسى بەلارۋس كاپيتالىنىڭ قاتىسۋىمەن قۇرىلعان 40 قا جۋىق سۋبەكتى، سونداي-اق 170-تەن استام ديلەرلىك ۇيىمنان تۇرادى.
