گەرمانيا كونسەرنى سولتۇستىك قازاقستاندا كومباين قۇراستىرادى
ايماق باسشىسى قۇمار اقساقالوۆتىڭ ايتۋىنشا، ءبىر جارىم جىل بۇرىن قۇرىلعان «قىزىلجار» ارنايى ەكونوميكالىق ايماعىندا 3 ءىرى ينۆەستيتسيالىق جوبا جۇزەگە اسىرىلىپ جاتىر.
«كۇزدە ەلەكتروتەحنيكا زاۋىتىن ىسكە قوسۋ جوسپارلانعان. قازىردىڭ وزىندە 300 ادام جۇمىسقا قابىلداندى. نىساننىڭ ونىمدەرى ەكسپورتقا شىعارىلادى. بىزگە CLAAS ترانسۇلتتىق كومپانياسى كەلدى. بيىل نەمىس كونسەرنى العاشقى كومباينداردى قۇراستىرادى. الەمدىك كوشباسشى تەحنيكانى قۇراستىرۋ ارقىلى شارۋالارعا ارنالعان كومبايننىڭ قۇنىن ەكى ەسە ازايتساق دەپ وتىرمىز»، - دەدى اكىم.
سونداي-اق، ول ارنايى ەكونوميكالىق ايماققا رەسەيلىك ينۆەستورلار دا كىرگەنىن ايتتى.
«ماسكەۋدەگى «ۆەلفارم» كومپانياسىمەن پەتروپاۆلدا زاۋىت سالۋ تۋرالى كەلىسىمدى بەكىتتىك. ولار بۇل ىسكە 15 ميلليارد تەڭگە سالۋعا دايىن. جالپى، وبلىستا 75 جوبانىڭ پۋلى جاساقتالدى، ينۆەستيتسيالار كولەمى - 1,8 تريلليون تەڭگە»، - دەدى قۇمار اقاساقالوۆ.
