ەندى ۆاكسينا الماعان قىزمەت كورسەتۋ سالاسىنداعىلارعا ايىپپۇل سالىنادى
بۇل تۋرالى ونلاين وتكەن باسپا ءسوز جيىنىندا پاۆلودار وبلىسىنىڭ سانيتارلىق- ەپيدەميولوگيالىق باقىلاۋ دەپارتامەنتىنىڭ باسشىسى باتىربەك الييەۆ ءمالىم ەتتى.
- ك ۆ ي-دىڭ ودان ءارى تارالۋىنىڭ الدىن الۋ ءۇشىن 1-شىلدەدەدەن باستاپ ەلىمىزدىڭ باس سانيتارلىق دارىگەرىنىڭ قاۋلىسى شىقتى. قاۋلى بويىنشا قىزمەت كورسەتۋ سالاسىداعىلار ۆاكسينا قابىلداۋعا مىندەتتەلدى. 15-شىلدەگە دەيىن ۆاكسينانىڭ 1-كومپونەنتىمەن، 15-تامىزعا دەيىن 2-كومپونەنتىمەن ەگىلۋى ءتيىس، - دەدى باتىربەك اليەۆ.
ايتا كەتەيىك، ەلىمىزدىڭ باس سانيتارلىق دارىگەرىنىڭ قاۋلىسىنا سايكەس ح ق ك و، ساۋدا ۇيلەرى جانە وزگە دە قىزمەت كورسەتۋ سالاسى ۇيىمدارىنىڭ قىزمەتكەرلەرىنە ۆاكسينا ەگىلۋ مىندەتتەلدى. ويتكەنى، بۇل سالانىڭ ماماندارى ادامدارمەن ءجيى بايلانىسقا شىعادى.
ۆاكسينا ەگىلۋدەن قارسى كورسەتكىشتەرى بار جانە سوڭعى 3-ايدا ك ۆ ي- مەن اۋىرعاندار بوساتىلادى.
- ۆاكسينا قابىلداماعاندارعا ايىپپۇل سالىنادى. بۇل اكىمشىلىك قۇقىق بۇزۋشىلىق كودەكسى بويىنشا قاراستىرىلادى. جەكە ادامدارعا 5 ايلىق ەسەپتىك كورسەتكىش مولشەرىندە، ال، ۇيىمدارعا سالىناتىن ايىپپۇل 500 ا ە ك مولشەرىنە دەيىن جەتەدى، - دەدى باتىربەك الييەۆ.
قىزمەتكەرلەردىڭ ۆاكسينا قابىلداۋى بويىنشا ءار ۇيىمنىڭ قىزمەتكەرلەردى باسقارۋ ءبولىمى ەسەپ جۇرگىزەدى.
- ءبىز قاي ۇيىمدا قانشا ادام جۇمىس جاسايتىنىن بىلمەيمىز. سوندىقتان وبلىستا قىزمەت كورسەتۋ سالاسىنىڭ قانشا ادامى ەگىلۋ كەرەكتىگى بەلگىسىز. ءبىراق وڭىردە كۇنىنە 3000-3500 ادام كۆي- گە قارسى ۆاكسينا ەگىلۋى ءتيىس دەگەن تالاپ بار. كەشەگى كۇنى 4 مىڭنان استام ادام ۆاكسينا الدى، - دەدى باتىربەك اليەۆ.
وبلىستىڭ باس سانيتارلىق دارىگەرىنىڭ ايتۋىنشا، قىزمەت كورسەتۋ سالاسىنىڭ مەكەمەلەرىندەگى ۆاكسينالاۋعا بايلانىستى مونيتورينگ توپتارى تەكسەرۋ جۇرگىزۋى مۇمكىن.
