الماتى- قورعاس تاس جولىندا كۇننىڭ ىستىعىنان بەتون پليتالار كوتەرىلىپ كەتتى
بۇل اقپاراتتى «قازاۆتوجول» مەكەمەسىنىڭ باسپا ءسوز قىزمەتى دە راستادى، دەپ حابارلايدى قازاقپارات ءتىلشىسى.
بايدىبەك بي اۋىلىنىڭ ماڭىندا اقىلى جولدىڭ بەتوندى پليتالارى ءبىر- بىرىنە قوسىلعان تۇسىندا قوزعالعان. سونىڭ سالدارىنان تاس جولدىڭ بەتكى قاباتى كوتەرىلگەن.
«اقاۋ شىققان ۋچاسكەدە «قازاۆتوجول» جۇمىسشىلارى اكىمشىلىك پوليتسيا قىزمەتكەرلەرىمەن جەدەل تۇردە ەسكەرتۋ بەلگىلەرىن ورناتىپ، جول بويىندا پاترۋلدىك كولىك كەزەكشىلىك جۇرگىزدى.
كەمشىلىكتەر جىلدام جويىلىپ، كولىكتەردىڭ قاۋىپسىز قوزعالۋى قامتاماسىز ەتىلدى. ۆەدومستۆو وكىلدەرى ۋاقىتشا كەلتىرىلگەن قولايسىزدىقتار ءۇشىن جولاۋشىلاردان كەشىرىم سۇراپ، اقاۋدى دەر كەزىندە انىقتاپ، حابارلاعان كولىك جۇرگىزۋشىلەرىنە العىس بىلدىرەدى»، - دەلىنگەن «قازاۆتوجول» ا ق-نىڭ باسپا ءسوز قىزمەتى جاريالاعان حابارلامادا.
اۆتور: سامال قابىشەۆا
