بەكبولات تىلەۋحان اسىل تۇقىمدى جىلقىلارىنىڭ قۇنىن اتادى

نۇر-سۇلتان. قازاقپارات - ۇلتتىق سپورت تۇرلەرى قاۋىمداستىعىنىڭ پرەزيدەنتى بەكبولات تىلەۋحان اسىل تۇقىمدى جىلقىلارىنىڭ قۇنىن اتادى، دەپ حابارلايدى قازاقپارات ءتىلشىسى.

«ءيا، اتتارىم بار. لاۋلات دەيتىن قوستاناي تۇقىمدى ايعىرىم بار. 900 مىڭ تەڭگەگە ساتىپ الدىم. سالكۇرەڭ دەگەن اتىم دا قوستاناي جىلقىسىنىڭ تۇقىمى، وتە ءتوزىمدى بولعاندىقتان 550 مىڭ تەڭگەگە ساتىپ العانمىن. ال تاسۋا دەگەن اتىمدى شەشەنستانداعى تانىس باۋىرلارىم سىيعا تارتقان ەدى. كەلەشەكتە بايگەگە قوسامىن، اعىلشىن جىلقىسى. مەنىڭ ەستۋىمشە، قۇنى 8 مىڭ ەۋرو شاماسىندا. باقتورى دەگەن دە اتىم بولدى. قۇنىن بىلمەيمىن قانشا ەكەنىن. ونى دا نۇربول بولات ۇلى (نازاربايەۆ) سىيلاعان بولاتىن»، - دەدى بەكبولات تىلەۋحان ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا ب ا ق وكىلدەرىنىڭ ساۋالىنا وراي.

اۆتور: مارلان جيەمباي