11:32, 03 - شىلدە 2021 | GMT +5
ش ق و تاسجولىندا جۇك كولىگى ورتەندى
سەمەي. قازاقپارات - شىعىس قازاقستان وبلىسىندا جۇك كولىگى ورتەندى، دەپ حابارلايدى قازاقپارات Semey News-قا سىلتەمە جاساپ.
شىعىس قازاقستان وبلىستىق توتەنشە جاعدايلار دەپارتامەنتىنىڭ باسپا ءسوز قىزمەتىنەن «وسكەمەن- التاي- راحمان قاينارى» كۇرە جولىنىڭ 40- شاقىرىمىندا كەلە جاتقان «Volvo FH 12» جۇك كولىگى ورتەنگەنىن ءمالىم ەتتى.
«ءورت كولىك قوزعالتقىشىنان شىعىپ، سالوننىڭ 7,5 شارشى مەترى جانعان. وقيعانىڭ سەبەبى - جوعارى قاۋپى بار اگرەگاتتى ابايسىز پايدالانۋ»، - دەپ ءتۇسىندىرىپ ءوتتى ش ق و ت ج د- ءنىڭ باسپا ءسوز قىزمەتىنەن.
وقيعا ورنىنا كاماز كولىك تسيستەرناسىمەن ءورت ءسوندىرۋ ءبولىمىنىڭ 5 قىزمەتكەرى شىقتى. ولار جالىنمەن كۇرەسە وتىرىپ، جارىلىستى بولدىرماۋ ءۇشىن وتىن باگىن سالقىنداتقان.
