كانادادا اپتاپ ىستىقتان اۋىل ورتەندى
سەبەبى - وڭىردە تىركەلگەن انومالدى ىستىق. بۇل تۋرالى قازاقپارات BBC- گە سىلتەمە جاساپ حابارلايدى.
قايتىس بولعاندار تۋرالى مالىمەت جوق، دەگەنمەن پوليسيا كەيبىر وتباسىلاردىڭ بايلانىسقا شىقپاعانىن حابارلايدى، زارداپ شەككەندەر بار. ليتتوندا مىڭعا جۋىق ادام تۇرادى. ءورت تەز جىلجىپ وتىرعاندىقتان، ولاردىڭ جينالۋعا تەك قانا ءتورت ساعات ۋاقىتى بولعان. ەۆاكۋاتسيا ءىرى ءتۇتىن بۋداقتارى مەن جولداردىڭ شەتىن جالماعان الاۋعا قاراماستان جۇرگىزىلدى.
«15 مينۋتتىڭ ىشىندە اۋىلدىڭ بارلىعى وتقا وراندى»، - دەدى بي- بي- سيگە مەر پولدەرمان. «ادامدار ءۇي جانۋارلارىن، كىلتتەرىن الىپ، كولىكتەرىنە وتىرىپ، كەتىپ جاتتى»، - دەدى ول. اۋىل ۇيلەرىنىڭ %90 ى، مەديتسينالىق پۋنكت جانە پوليتسيا بولىمشەسى جانىپ كەتكەن. 29 -ماۋسىم كۇنى جەرگىلىكتى ۋاقىت بويىنشا ساعات 16:20-دا ليتتوندا بريتاندىق كولۋمبيانىڭ تاريحىندا تەمپەراتۋرالىق رەكورد ورنادى: سەلسي بويىنشا 46,6 گرادۋس. سونىمەن قاتار جەلدىڭ جىلدامدىعى 71 ك م/ساع بولعان، بۇل ءورتتىڭ تەز جىلجۋىنا سەبەپ بولدى.
مەتەورولوگتاردىڭ ايتۋىنشا، بۇل اۋدانداعى ىستىق، قۇرعاق اۋا رايى مەن جەل ءورتتىڭ 10 نەمەسە 20 ك م/ساع جىلدامدىقپەن جىلجىپ وتىرۋىنا سەبەپ بولعان. جەرگىلىكتى دەپۋتات برەد ۆيس الەۋمەتتىك جەلىلەردە زارداپ شەككەندەر تۋرالى حابار بار ەكەنىن جازدى. سوڭعى اپتادا كاليفورنيادان اركتيكاعا دەيىنگى تىنىق مۇحيتىنىڭ جاعالاۋىندا اۋانىڭ جىلجۋىنا كەدەرگى كەلتىرەتىن جوعارى قىسىم تۇراقتانعان اۋماق قالىپتاستى. بريتاندىق كولۋمبيادا وسى ۋاقىتقا دەيىن ىستىقتان 486 ادام قايتىس بولدى، ولاردىڭ 69 ى ەل استاناسى ۆانكۋۆەردە كوز جۇمعان. قايتىس بولعانداردىڭ كوبى - ەگدە جاستاعىلار مەن سوزىلمالى اۋرۋى بار ادامدار. ۇقساس حابارلار ا ق ش- تان دا تۇسۋدە. ءبىر اپتانىڭ ىشىندە بريتاندىق كولۋمبيادا جۇزدەگەن ورمان ءورتى تۇتاندى. بۇعان ىستىقپەن بىرگە نايزاعاي دا سەبەپ بولدى. 2-شىلدە كۇنى پروۆينسيادا 29 مىڭعا جۋىق نايزاعاي تىركەلدى. «بۇل بريتاندىق كولۋمبياداعى تاريحىنداعى ەڭ ىستىق اپتا بولدى»، - دەدى باسپا ءسوز ءماسليحاتىندا پروۆينتسيانىڭ پرەمەر- ءمينيسترى دجون حورگان سەيسەنبى كۇنى.
ول تۇرعىنداردى سۋىق كومپرەسس جاساپ، مۇمكىندىگىنشە ءۇيدىڭ ەڭ سالقىن بولىگىندە قالۋعا شىقىردى. مەتەورولوگتاردىڭ ايتۋىنشا، مۇنداي اۋا رايى مىڭ جىلدا ءبىر رەت بولادى. ولار ىستىقتىڭ ءالى بىرنەشە كۇن جالعاساتىنىن ەسكەرتتى. بۇدان بۇرىن ا ق ش پرەزيدەنتى دجو بايدەن وسى جىلى ورمان ءورتىنىڭ قاۋپى زور ەكەنىن ەسكەرتكەن، بۇل تۋرالى كانادانىڭ پرەمەر- ءمينيسترى دجاستين تريۋدو دا ايتقان.
