ءۇندى شتامى قانشالىقتى قاۋىپتى جانە ودان قالاي ساقتانۋعا بولادى؟
- دەنساۋلىق ساقتاۋ مينيسترلىگى ءۇندى شتامى قازاقستاننىڭ بارلىق وڭىرىنەن انىقتالعانىن ايتتى. ايتىڭىزشى ول قالاي انىقتالادى؟
- بىزدە كوروناۆيرۋس ينفەكسيانىڭ كلينيكالىق كورىنىسى مەن بولجامدارى بار. «دەلتا» (ءۇندى) شتامىن انىقتاۋ ءۇشىن پ ت ر سكرينينگ جۇرگىزىلەدى. بۇل ءار ايماقتا ىرىكتەلىپ تەكسەرىلەدى. سودان كەيىن ۆيرۋستىڭ وزگەرۋىن كورسەتەتىن فراگمەنتتەردى انىقتاۋ ءۇشىن بارلىق وڭ زەرتحانالىق ۇلگىلەردى قايتا تەكسەرەمىز. 1 شىلدەدەگى جاعداي بويىنشا قازاقستاندا ءۇندى شتامىن انىقتاۋ ءۇشىن 414 سىناما الىندى. بۇل دەگەنىمىز اتالعان شتامم ەلىمىزدىڭ بارلىق ايماقتارىنان، سونىڭ ىشىندە نۇر-سۇلتان، الماتى جانە شىمكەنت قالالارىنان انىقتالدى دەگەن ءسوز.
بۇل زەرتتەۋلەر بۇكىل رەسپۋبليكا بويىنشا ۆيرۋستىڭ سول نەمەسە باسقا نۇسقالارىنىڭ اينالىم بەلسەندىلىگىن ءبىلۋ ءۇشىن جۇيەلى تۇردە جۇرگىزىلەدى. بۇرىن ءبىز وڭتۇستىك افريكا جانە بريتان شتامدارىنىڭ بەلسەندى اينالىمى جۇرەتىندىگىن ايتقانبىز، ال قازىر الەمنىڭ باسقا ەلدەرىندە تانىمال بولا باستاعان جاڭا شتامدار پايدا بولعان كەزدە، ءبىزدىڭ ەل جاڭا شتامدى انىقتايتىن ارنايى تەستتەردى ساتىپ الدى.
- «دەلتا» شتامى قانشالىقتى قاۋىپتى؟
- وڭتۇستىك افريكا مەن بريتانيالىق شتامدار اۋىرلىعىمەن ەرەكشەلەنبەدى، ءيا، كەيبىر پاتسيەنتتەردە اۋىر ءوتتى. ءبىراق، «دەلتا» شتاممى اۋىر بولادى. سوندىقتان ناۋقاستاردىڭ باسىم بولىگى اۋرۋحاناعا جاتقىزىلادى. اۋرۋ اسقىنعان سايىن، ءولىم سوعۇرلىم كوپ بولۋى ىقتيمال. اسىرەسە، جۇرەك-قان تامىرلارى، تىنىس الۋ جۇيەسىنىڭ سوزىلمالى اۋرۋلارى بار ادامدار ساق بولۋى كەرەك.
سونداي-اق يممۋندىق جۇيە اۋرۋلارى بار ادامداردا قانت ديابەتى جانە تاعى باسقالارى قوزادى. بۇل شتامم ۇساق تامىرلاردى زاقىمداپ، ترومبتاردىڭ پايدا بولۋىنا اكەلۋى مۇمكىن. ءۇندى شتامى ءبىر ادامنان ەكىنشى ادامعا تەز جۇعادى. اۋرۋدىڭ ينكۋباتسيالىق كەزەڭى قازىر 7 دەن 5 كۇنگە دەيىن قىسقاردى.
ءۇندى شتامىنىڭ بەلگىلەرى: ءىشتىڭ اۋىرۋى، تابەتتىڭ تومەندەۋى، قۇسۋ، جۇرەك اينۋى.
- مامانداردىڭ ايتۋىنشا، ءۇندى شتامىمەن بالالار اۋىرا باستادى، سولاي ما؟
- ءيا، ءبىز جاستار اراسىنداعى اۋرۋشاڭدىقتىڭ ءوسۋ ديناميكاسىن كورىپ وتىرمىز. بالالار مەن جۇكتى ايەلدەر اراسىندا دا جۇقتىرعاندار تىركەلىپ جاتىر. تۇرعىندارعا ايتارىمىز قازىر ەلدە ءۇندى شتامى انىقتالدى. بارىنشا اباي بولۋعا شاقىرامىز. دارىگەرلەرگە ۋاقىتىندا جۇگىنۋ كەرەك. ەشبىر جاعدايدا ءوزىن-ءوزى ەمدەۋگە بولمايدى، دارىگەردى ۇيگە شاقىرتۋ قاجەت.
- قاي ۆاكسينانى ەگۋگە كەڭەس بەرەر ەدىڭىز ؟
- قازىرگى كەزدە عىلىم قازاقستاندا بار بارلىق ۆاكتسينالاردىڭ جوعارى تيىمدىلىگىن (%88-90) دالەلدەيدى - بۇل QazVac، Sputnik V، Hayat-Vax جانە CoronaVac. ءبىز قازىر بارلىق تۇرعىندارعا قىسقا مەرزىمدە ۆاكتسينا ەگۋ ماقساتىندا بەلسەندى جۇمىس ىستەپ جاتىرمىز. ۆاكسينالار بارلىق مەديتسينالىق ۇيىمداردا بار. ۆاكسينا العان ادامداردىڭ سانى ارتقان سايىن ۆيرۋستاردىڭ مۋتاتسياسىنىڭ دامۋ ىقتيمالدىعى تومەندەيدى. وسى مۋتاتسيانىڭ الدىن الۋ ءۇشىن ءبىز قىسقا مەرزىمدە ۇجىمدىق يممۋنيتەت قالىپتاستىرۋىمىز كەرەك.
الەمدە ۆاكسيناتسيالانعان ادامدار اراسىندا ءولىم تىركەلگەن جوق. ۆاكسيناتسيا - قورعانۋدىڭ جالعىز جولى.
- سۇحباتىڭىزعا راقمەت!
