ءۇندى شتامىن جۇقتىرعان ناۋقاستاردى قالاي ەمدەيدى؟

الماتى. قازاقپارات - الماتى قالاسى سانيتاريالىق-ەپيدەميولوگيالىق باقىلاۋ دەپارتامەنتىنىڭ باسشىسى، قالانىڭ باس مەملەكەتتىك سانيتار دارىگەرى جانداربەك بەكشين كوروناۆيرۋستىڭ «ءۇندى» شتامىمەن اۋىراتىن ناۋقاستار بولەك ەمدەلمەيتىنىن ايتتى، دەپ حابارلايدى قازاقپارات ءتىلشىسى.

«ءۇندى شتامىن جۇقتىرعانداردى بولەك جاتقىزىپ، بولەك ەم جۇرگىزبەيمىز. ونداي نۇسقا قاراستىرىلماعان. بۇگىنگى كۇنى ەمدەۋ حاتتاماسى ءىس جۇزىندە بىردەي. ۆيرۋسقا قارسى تەراپيا، سونداي-اق باسقا ادىستەر قولدانىلادى. نەگىزى بۇل سۇراق دارىگەرلەرگە باعىتتالۋى كەرەك. مەن ايتا الاتىن جالعىز نارسە - بۇل بۇرىنعى شتامداردان ايىرماشىلىعى، بۇل جەردە ديارەيا سيمپتومى قوسىلدى. جالپى، ەمدەۋ بريتاندىق شتامم جانە باسقا دا نۇسقالارى سياقتى جۇزەگە اسىرىلادى»، - دەپ جاۋاپ بەردى جانداربەك بەكشين.

بۇعان دەيىن ول الماتىدا ەپيدەميولوگيالىق جاعدايدىڭ كۇردەلەنە تۇسكەنىن جانە اۋرۋ ەكى ەسەگە وسكەنىن ايتقان بولاتىن.