اسقار مامين ەۋرازيالىق دامۋ بانكى كەڭەسىنىڭ وتىرىسىن وتكىزدى
الداعى كەزەڭدە ە ا د ب ينتەگراتسيالىق تيىمدىلىگى بار ترانسشەكارالىق ينۆەستيتسيالىق جوبالاردى ىسكە اسىرۋعا نازار اۋدارادى.
بەس جىلدىق كەزەڭدە بانك ينۆەستيتسيالارىنىڭ جيىنتىق كولەمى $10,9 ميلليارد قۇرايدى. ە ا د ب- نىڭ كۇش-جىگەرى «ەۋروپا-باتىس قىتاي» كولىك-سيفرلىق ءدالىزى، ە ا ە و+ ءبىرىڭعاي تاۋار وتكىزۋ جەلىسى جانە ورتالىق ازيانىڭ سۋ-ەنەرگەتيكا كەشەنى سياقتى ءىرى ينۆەستيتسيالىق جوبالاردى ىسكە اسىرۋعا باعىتتالاتىن بولادى.
ايماقتىڭ ماكروەكونوميكالىق سيپاتتامالارىن ەسكەرە وتىرىپ، بانككە قاتىسۋشى ەلدەردىڭ ءارقايسىسى بويىنشا جەكەلەگەن ستراتەگيا ازىرلەۋ جوسپارلانۋدا. تۇراقتى دامۋ ماقساتتارىنا قول جەتكىزۋ ماقساتىندا ەادب ارمەنيا، قىرعىزستان جانە تاجىكستانداعى ينۆەستيتسيالاردىڭ جيىنتىق مولشەرىن $500 ميلليونعا دەيىن جەتكىزە وتىرىپ، مينوريتارلىق اكتسيونەرلەر ەلدەرىندەگى جوبالاۋ قىزمەتىن كەڭەيتەدى.
ە ا د ب جۇمىسىنىڭ باسىم باعىتتارىنىڭ ءبىرى ە ا ە و+ ءبىرىڭعاي سيفرلىق كەڭىستىگىن قالىپتاستىرۋ شەڭبەرىندە سيفرلىق قۇزىرەتتەر مەن ينفراقۇرىلىمدى ودان ءارى دامىتۋ بولادى.
قويىلعان مىندەتتەردى ىسكە اسىرۋ ءۇشىن 2020 -جىلعى ماۋسىمدا بانكتە سيفرلىق باستامالار قورى قۇرىلدى، ول قازىرگى ۋاقىتتا 20 عا جۋىق جوبانى پىسىقتاۋدا. قوردىڭ العاشقى ىسكە اسىرىلعان جوباسى كەلۋشىلەردىڭ پ ت ر- تەستىلەۋى تۋرالى دەرەكتەردى مەملەكەتارالىق دەڭگەيدە ۆەريفيكاتسيالاۋعا ارنالعان «COVID-19-سىز ساياحات» ءموبيلدى قوسىمشاسى بولدى.
2027-جىلعا قاراي ە ا د ب ۇلتتىق جانە حالىقارالىق دامۋ ينستيتۋتتارىنىڭ قاتىسۋىمەن ايماقتا جاڭا جوبالاردى قارجىلاندىرۋ، قۇرىلىمداۋ جانە ۇيىمداستىرۋ بويىنشا كوشباسشى بولۋعا نيەتتى.
بۇل رەتتە ا ساناتىنداعى كرەديتتىك رەيتينگ الۋ ءۇشىن اكسيونەرلەر قۇرامىن كەڭەيتۋ جانە بانك كاپيتالىنا قوسىمشا قاراجات تارتۋ جوسپارلانۋدا.
2020-جىلى ە ا د ب 18 جاڭا جوبا بويىنشا $1,336 ميللياردقا كەلىسىمگە قول قويدى. بانكتىڭ اعىمداعى ينۆەستيتسيالىق پورتفەلى ونىڭ قىزمەت ەتكەن بارلىق جىلدارىنداعى ەڭ جوعارعى مانگە - $4,4 ميللياردقا دەيىن ۇلعايدى.
بۇل رەتتە ينتەگراتسيالىق اسەرى بار جوبالاردىڭ ۇلەسى %64,3 قۇرادى. 2020-جىلى تازا پايدا $32,6 ميلليون قۇرادى.
ۇلتتىق شكالا بويىنشا رەيتينگتەر: Fitch - AAA (KAZ)، اكرا - AAA (RU). ە ا د ب «جاسىل ەكونوميكانى» دامىتۋدى قولداۋعا ەرەكشە نازار اۋدارادى - جاڭارتىلاتىن ەنەرگيا كوزدەرى سالاسىنداعى جاڭا جوبالاردى قارجىلاندىرۋ قامتاماسىز ەتىلدى، «استانا» حالىقارالىق قارجى ورتالىعى جانىنداعى جاسىل قارجى ورتالىعىنىڭ جارعىلىق كاپيتالىنداعى ۇلەسى ساتىپ الىندى، وسى سالادا ب ۇ ۇ ۇيىمدارىمەن بىرلەسىپ بەلسەندى جۇمىس جۇرگىزىلۋدە.
قاتىسۋشى ەلدەردىڭ ۇلتتىق بانكتەرىندەگى ەادب كوررەسپوندەنتتىك شوتتارى ارقىلى ۇلتتىق ۆاليۋتالاردا ترانسشەكارالىق تولەمدەردى جۇزەگە اسىرۋعا مۇمكىندىك بەرەتىن بانكتىڭ ەسەپ ايىرىسۋ- تولەم جۇيەسى تابىستى جۇمىس ىستەۋدە.
