نازاربايەۆ كوروناۆيرۋستان قالاي ەمدەلدى؟ ۇكىباي جاۋاپ بەردى

نۇرسۇلتان نازاربايەۆتىڭ كەڭەسشىسى ءارى باسپا ءسوز حاتشىسى ەلباسىنىڭ كوروناۆيرۋستان قالاي ەمدەلگەنىن ايتىپ بەردى.

«بۇل قاراپايىم تۇرعىندار مەن مەديتسينا قىزمەتكەرلەرى اراسىندا اۋرۋ دەرەگى كوپ تىركەلىپ جاتقان كەز، ولار بۇل سوققىنى ءبىرىنشى بولىپ قابىلدادى. نۇرسۇلتان نازاربايەۆ جاڭا سىن- تەگەۋرىنگە قارسى كۇرەستە قازاقستاندىق دارىگەرلەردىڭ ايرىقشا ءرولىن بىرنەشە رەت اتاپ ءوتتى. ەلباسى ءاردايىم ادامزات بۇل ۆيرۋستى الەمدىك عىلىمي- مەديتسينالىق قوعامداستىقتىڭ تىعىز كووپەراتسياسى مەن اركىمنىڭ ءوز دەنساۋلىعىن ساقتاۋعا جاۋاپپەن قاراۋى عانا جەڭە الاتىنىن ايتاتىن»، - دەدى ۇكىباي.

«ەسكە سالايىن، نۇرسۇلتان نازاربايەۆتىڭ اۋرۋى تۋرالى جاڭالىق ەلىمىزدىڭ حالقىن عانا ەمەس، بۇكىل الەمدىك قاۋىمداستىقتى دا ءدۇر سىلكىندىردى. كوپتەگەن شەتەلدىك كوشباسشى الاڭداۋشىلىق ءبىلدىرىپ، قازاقستاننىڭ تۇڭعىش پرەزيدەنتىنە تەزىرەك ساۋىعىپ كەتۋىن تىلەدى.

نۇرسۇلتان نازاربايەۆتىڭ جاقىن دوسى ۆلاديمير ۆلاديميروۆيچ پۋتين رەسەيلىك دارىگەرلەردى قازاقستاندىق ماماندارعا، سونىڭ ىشىندە تۇڭعىش پرەزيدەنتكە باقىلاۋ جاساعان دارىگەرلەرگە كومەككە جىبەرۋدى بۇيىردى».

«ەلباسى كوروناۆيرۋس ينفەكسياسىمەن سيمپتومسىز اۋىرىپ شىقتى. بۇل كوبىنە دارىگەرلەردىڭ ارقاسىندا: ولاردىڭ كەڭەستەرى، ۇسىنىستارى، سونداي-اق تۇڭعىش پرەزيدەنتتىڭ دەنساۋلىعىن مۇقيات باقىلاۋى»، - دەدى ايدوس ۇكىباي.

ەسكە سالايىق، نۇرسۇلتان نازاربايەۆ 30-ماۋسىمدا ماسكەۋدەگى كەزدەسۋدە ۆلاديمير پۋتينگە وعان كوروناۆيرۋستان ايىعۋعا رەسەيلىك دارىگەرلەر كومەكتەسكەنىن ايتتى.

قازاقستاننىڭ تۇڭعىش پرەزيدەنتىنەن كوروناۆيرۋس 2020 -جىلدىڭ 18-ماۋسىمىندا انىقتالدى. 2 -شىلدەدە ەلباسى ساۋىعىپ شىقتى. بيىل ماۋسىمدا نۇرسۇلتان نازاربايەۆ «سپۋتنيك V» ۆاكسيناسىن سالدىردى.

kaz.tengrinews.kz