قازاقستاندا پاندەميا كەزەڭىندە الەۋمەتتىك- ەڭبەك داۋلارى كوبەيىپ كەتتى
بۇل تۋرالى نۇر- سۇلتان قالالىق كاسىپوداق ورتالىعىنىڭ ءتوراعاسى تولەگەن قۇنادىلوۆ ايتتى، دەپ حابارلايدى قازاقپارات ءتىلشىسى.
ونىڭ دەرەگىنشە، وسى جىلدىڭ ءبىرىنشى جارتىجىلدىعىندا ەلوردادا 12 الەۋمەتتىك- ەڭبەك داۋى بولدى.
پاندەميامەن جانە قولايسىز ەكونوميكالىق احۋالمەن بايلانىستى جايتتار تۇراقسىز الەۋمەتتىك- ەڭبەك جاعدايىنىڭ قالىپتاسۋىنا ايتارلىقتاي ىقپال ەتتى. جالاقى تولەمەۋ پروبلەماسى، ەڭبەك جاعدايىن بۇزۋ ءجيىلىپ كەتتى. سونىڭ سالدارىنان ەڭبەك داۋلارىنىڭ سانى ايتارلىقتاي ارتتى. نەگىزىنەن كاسىپوداقتارى جوق كاسىپورىندار مەن ۇيىمداردا ەڭبەك جالجالدارىنىڭ ءجيى ورىن العاندىعىن ەرەكشە اتاپ وتكىم كەلەدى. داۋلاردىڭ باسىم بولىگى جالاقى دەڭگەيىنە قاتىستى كوزقاراس قاراما- قايشىلىعىنان ەمەس، بۇل ماسەلەدە اكىمشىلىكتىڭ كەلىسسوز جۇرگىزۋدەن باس تارتۋىنان تۋىنداعان. كوپ جاعدايلاردا جۇمىس بەرۋشى جانجالدىڭ الدىن الۋعا نيەتتى ەمەس. ءتىپتى كوپ جاعدايدا ولار احۋالدىڭ ۋشىعاتىندىعىن بىلە تۇرا سونداي قادامعا بارادى»، - دەدى تولەگەن قۇنادىلوۆ.
ۇسىنىلعان اقپاراتقا سايكەس، ەلوردانىڭ كاسىپوداق ورتالىعى جىل باسىنان بەرى جالاقىنى كوتەرۋگە، ەڭبەك جاعدايىن جاقسارتۋعا قاتىستى 23 ءوتىنىمدى قاراستىردى. 63 جۇمىسشىعا قۇقىقتىق كومەك كورسەتىلدى. بۇعان قوسا، 57 جۇمىسشى جۇمىس ورنىن ساقتاپ قالدى.
اۆتور: مارلان جيەمباي
