باس سانيتار ۆاكسينالاۋعا قارسى كورسەتىلىمدەردىڭ تىزبەسىن بەكىتتى

نۇر-سۇلتان. قازاقپارات - باس مەملەكەتتىك سانيتار دارىگەردىڭ قاۋلىسىمەن ۆاكسينالاۋعا قارسى كورسەتىلىمدەردىڭ تىزبەسى بەكىتىلدى، دەپ حابارلايدى قازاقپارات.

قۇجات بويىنشا ۆاكسينا ەنگىزۋگە قارسى كورسەتىلىمدەر مىنالار:

1) ۆاكتسينانىڭ قانداي دا ءبىر كومپونەنتىنە (بەلسەندى زاتتارعا، قوسىمشا زاتتارعا) اللەرگيا نەمەسە وسى ۆاكتسينانى الدىڭعى ەنگىزۋگە اللەرگيالىق رەاكسيالار؛

2) اۋىر سوزىلمالى اۋرۋلار نەمەسە انامنەزدەگى اسا جوعارى سەزىمتالدىق؛

3) جوعارى تەمپەراتۋرا نەمەسە ۆاكتسينانى بۇلشىقەت ىشىنە ەنگىزگەن كەزدە پايدا بولۋى مۇمكىن قان كەتۋ تاۋەكەلىنە بايلانىستى اۋرۋدىڭ ءجىتى فازاسى؛

4) جۇكتىلىك جانە لاكتاتسيا كەزەڭى؛

5) 18 گە دەيىنگى جاس.

باس سانيتار قاۋلىسىندا «ۆاكسيناتسيادان كەيىنگى اۋىر اسقىنۋلار» ۇعىمىنا انىقتاما بەرىلگەن.

«ۆاكسيناتسيادان كەيىنگى اۋىر اسقىنۋلار (انافيلاكتيكالىق شوك، اۋىر جايىلعان اللەرگيالىق رەاكسيالار، قۇرىسۋ سيندرومى، 40 گرادۋستان جوعارى تەمپەراتۋرا)»، - دەپ جازىلعان قۇجاتتا.