بالقاش كولىنە قاۋىپ ءتونىپ تۇرعان راس پا؟ - ەكولوگيا مينيسترلىگى جاۋاپ بەردى
كولدىڭ تۇراقتى دەڭگەيدە ساقتالۋىنا (بالتىق جۇيەسىنىڭ 341 م بەلگىسىنەن تومەن ەمەس) جىل سايىن وعان 12 ميلليارد م3 اعىن سۋ قۇيىلۋىمەن كەپىل. بۇل رەتتە اعىننىڭ %70 ى ترانسشەكارالىق ىلە وزەنى ارقىلى كەلەدى. بۇل تۋرالى قازاقپارات ق ر ەكولوگيا، گەولوگيا جانە تابيع رەستۋرستار مينيسترلىگىنىڭ Telegram كانالىنا سىلتەمە جاساپ حابارلايدى.
مينيسترلىك تاراتقان اقپاراتتارعا قاراعاندا، گيدرولوگيالىق دەرەكتەردى تالداۋ ناتيجەسى بويىنشا، ىلە وزەنىنىڭ اعىسى 2001 -جىلدان 2020 -جىلعا دەيىن 13,8 ميلليارد م3 قۇرادى. كولگە جىل سايىن شامامەن 20 ميلليارد م3 سۋ قۇيىلادى، ىلەدەن كەيىنگى ەڭ ءىرى وزەندەر - قاراتال، اقسۋ، لەپسى، اياگوز وزەندەرى. مەملەكەت باسشىسى قاسىم-جومارت توقايەۆتىڭ تاپسىرماسىنا سايكەس الماتى وبلىسىنىڭ اكىمدىگى جانە باسقا دا ۋاكىلەتتى مەملەكەتتىك ورگاندارمەن بىرلەسىپ بالقاش كولىن ساقتاۋ بويىنشا ارنايى جوسپار ازىرلەندى.
جوسپاردا ونەركاسىپتىك كاسىپورىنداردىڭ زياندى توگىندىلەرىن قىسقارتۋ، ىلە وزەنى اتىراۋىنىڭ اعىندارىنداعى تازارتۋ جانە ءتۇبىن تەرەڭدەتۋ جۇمىستارى، يرريگاتسيالىق جانە درەناجدىق جۇيەلەردى قايتا قۇرۋ جانە سۋدى ۇنەمدەۋ ءۇشىن ىلە وزەنى باسسەينىندە گيدرومەليوراتيۆتىك جۇيەلەردى قايتا جاڭارتۋ جانە سۋارۋدىڭ زاماناۋي تەحنولوگيالارىن ەنگىزۋ، ىلە وزەنى اعىنىنىڭ اۋىتقۋىن ازايتۋ ءۇشىن قاپشاعاي سۋ ەلەكتر ستانسياسىىڭ كەربۇلاق كونتررەتتەگىشىن سالۋ جونىندەگى ءىس-شارالار كوزدەلگەن. بۇل ءىس- شارالار ازىرلەنىپ جاتقان سۋ رەسۋرستارىن باسقارۋ جونىندەگى ۇلتتىق جوبا شەڭبەرىندە ىسكە اسىرىلاتىن بولادى.
سونداي-اق، بالقاش كولىنىڭ ەكولوگيالىق جاي- كۇيىن جاقسارتۋ ماقساتىندا جانە ىلە وزەنى اتىراۋىنداعى بالىق قورلارىنىڭ ونىمدىلىگىن قالپىنا كەلتىرۋ جانە ودان ءارى مولايتۋ ءۇشىن 2006 -جىلدان باستاپ جىل سايىن الماتى وبلىسىنىڭ اكىمدىگى كول اتىراۋىنداعى ارنالاردى كەڭەيتىپ، تەرەڭدەتۋدە. 2020 -جىلى بالقاشقا قۇياتىن ارنالاردى مەحانيكالىق تازالاۋ جانە تەرەڭدەتۋ بويىنشا 5 جوبا ىسكە اسىرىلدى. بيىل ىلە وزەنى سۋىنىڭ كولگە قۇيۋىن ارتتىرۋ ءۇشىن 4 نىسان بويىنشا جۇمىستار جۇرگىزىلۋدە. 2022 -جىلى 4 جوبانى ىسكە اسىرۋ جوسپارلانۋدا.
