16:15, 01 - شىلدە 2021 | GMT +5
الماتىدا كوشەدەگى اجەتحانا قۇدىعىنا ەكى بالا مەن اجەسى قۇلاپ مەرت بولدى
نۇر-سۇلتان. قازاقپارات - الماتى قالاسى ناۋرىزباي اۋدانى اباي اۋلىندا ەكى بالا مەن ولاردىڭ اجەسى كوشەدەگى اجەتحانانىڭ كارىز قۇدىعىنا قۇلاپ قازا تاپتى، - دەپ قر تجم رجدج باسپا ءسوز قىزمەتى.
قۇدىققا ءبىرىنشى بولىپ 2020 -جىلى تۋعان قىز قۇلاعان. 2009 -جىلى تۋعان اعاسى قارىنداسىن ءوزى شىعارىپ الماق بولعان. مۇنى كورگەن اجەسى مەن اكەسى دە ولاردى قۇتقارۋعا تىرىسقان. قىز كارىز قۇدىعىنا باتىپ كەتتى، ونىڭ اكەسى عانا ءتىرى قالدى، ونى قۇتقارۋشىلار كەلگەنگە دەيىن شىعارىپ، جەدەل جاردەم دارىگەرلەرىنە تاپسىرعان.
ر ج د ج قۇتقارۋشىلارى بالا مەن اجەسىن قۇدىقتان شىعارعان، ءبىراق ولاردىڭ ءومىرىن قۇتقارا المادى.
«رەسپۋبليكالىق جەدەل قۇتقارۋ جاساعى ەسكەرتەدى: بالالاردى قاراۋسىز قالدىرماڭىزدار، مۇقيات جانە ساق بولىڭىزدار»، - دەدى قۇتقارۋشىلار قازاقستاندىقتارعا.
