تۇرسىنبەك قاباتوۆتىڭ مينيستر جايلى قالجىڭىنا ءبىلىم جانە عىلىم ءمينيسترى جاۋاپ بەردى

بىرنەشە اي بۇرىن تۇرسىنبەك قاباتوۆ كونسەرتتەرىنىڭ بىرىندە شەندىلەردىڭ اراسىنان QazVac قازاقستاندىق ۆاكسيناسىن العاشقى بولىپ نەگە ءبىلىم جانە عىلىم ءمينيسترى اسحات ايماعامبەتوۆ سالدى ەكەن دەيدى. قالجىڭداپ ۆاكسينانى ءبىرىنشى بولىپ كىم الاتىنىن ۇكىمەت وتىرىسىندا قالاي انىقتاعانىن ويلاپ كورەدى.

«مەنىڭ ويىمشا، تامىزعا دەيىن پرەزيدەنت بارلىعىن جيناپ بىلاي دەدى: «ءبىز مىناداي ۆاكسينا شىعاردىق. ەندى حالىقتان ەمەس، وزىمىزدەن باستايىق». سوندا دەپۋتاتتار بىلاي دەيدى: «جوق، بىزدە جاقىندا سايلاۋ، ۇگىت-ناسيحات جۇرگىزۋ كەرەك. ۋاقىتىمىز جوق»، ال اكىمدەر: «بىزدە جىلىتۋ ماۋسىمى، جاقىندا قىس. ءبىز ۆاكسينا الا المايمىز. ودان دا مينيسترلەر باستاسىن».

اۋىل شارۋاشىلىعى ءمينيسترى ايتادى: «جاقىندا ەگىستىك جينايمىن. ماسەلەم وتە كوپ». ارالارىنداعى ەڭ جاسى ايماعامبەتوۆ وتىر. ءبارى ايماعامبەتوۆكە قاراپ، ويلاعان شىعار: «ءبارىبىر بالالار ۇيدەن، ونلاين وقىپ جاتىر. ستۋدەنتتەر دە ۇيدە. ودان دا سەنەن باستايىق. سەن دە قاشىقتان جۇمىس ىستەيسىڭ».

جاقىندا وسى ءۇزىندى Tik Tok جەلىسىندە تانىمال بولا باستادى. ۆيدەو 185 مىڭنان اسا قارالىم مەن 7 مىڭ لايك جيناعان.

رەداكسيامىز ءمينيستردىڭ باسپا ءسوز-حاتشىسى ءمولدىر ابدۋاليەۆادان ايماعامبەتوۆتىڭ نەلىكتەن العاش بولىپ ۆاكسينا العانىن سۇرادى.

«Tik Tok جەلىسىندە مينيسترلەر كابينەتىنەن اسحات ايماعامبەتوۆتىڭ نەلىكتەن العاش بولىپ ۆاكسينا سالدىرعانى جايلى قالجىڭ ارالاس ساۋالدىڭ ۆيدەوسى تاراي باستادى.

ەسكە سالايىق، پرەزيدەنت قاسىم- جومارت توقايەۆ QazVac ۆاكسيناسىنىڭ ءوندىرىسىن عانا ەمەس، قولدانىسقا ەنۋىن دە قولداۋدى تالاپ ەتكەن. ۆاكسينانى ءبىلىم جانە عىلىم مينيسترلىگى بيولوگيالىق قاۋىپسىزدىك پروبلەمالارىنىڭ عىلىمي- زەرتتەۋ ينستيتۋتىنىڭ قىزمەتكەرلەرى جاسادى. مينيستر باسىنان ۆاكسينانىڭ جاسالۋىنا جەتەكشىلىك ەتتى. سوندىقتان كلينيكالىق زەرتتەۋلەردەن بۇرىن ازىرلەۋشى- عالىمدار ۆاكسينا سالدىرۋ جايلى شەشىم جاساعان، ول وتاندىق ۆاكسينانى الۋعا بەل بايلادى. وسىلايشا ءوز ارىپتەستەرىنە قولداۋ كورسەتىپ، دەنساۋلىعىن دا قورعادى»، - دەدى باسپا ءسوز- حاتشىسى.

ءبىلىم جانە عىلىم مينيسترلىگىندەگىلەر اسحات ايماعامبەتوۆتىڭ ءبىر جىل بۇرىن ۆاكسينا العانىن جانە ەشقانداي جاناما اسەرى بولماعانىن ايتتى. سونىمەن قاتار، ءمينيستردىڭ اعزاسىندا انتيدەنەلەر مولشەرىنىڭ جوعارى ەكەنىن دە قوستى.

«ايتپاقشى، ناۋرىزدا مينيستر ءدال سول ۆاكسينانىڭ ەكىنشى دوزاسىن سالدىردى. ءوزىن ءبىرقالىپتى سەزىنەدى، جاناما اسەر جوق. ءبىلىم جانە عىلىم ءمينيسترى قازاقستاندىقتاردى وزدەرىن كۇتۋگە جانە COVID-19 عا قارسى ۆاكسينا سالدىرۋعا شاقىرادى. ول ءوز ارەكەتى ارقىلى وتاندىق عىلىم مەن عالىمدارعا سەنەتىنىن كورسەتتى»، - دەدى ءمولدىر ابدۋاليەۆا.

اسحات ايماعامبەتوۆ COVID-19 عا قارسى وتاندىق ۆاكسينانى العاش بولىپ 2020 -جىلدىڭ تامىزىندا سالدىرعان ەدى.

Tengrinews.kz