ەلەكتروندىق شوت- فاكتۋرانى جازىپ بەرۋدەن قانداي كاسىپكەرلەر بوساتىلادى

نۇر- سۇلتان. قازاقپارات - مەملەكەتتىك كىرىستەر كوميتەتى قانداي كاسىپكەرلىك سۋبەكتىلەرى ەلەكتروندىق شوت- فاكتۋرانى جازىپ بەرۋدەن بوساتىلاتىنىن ايتتى، دەپ حابارلايدى قازاقپارات.

«ەلەكتروندى شوت- فاكتۋرا (ە ش ف) جازىپ بەرۋ بويىنشا مىندەتتەمەلەردى ورىنداۋدى جەڭىلدەتۋ ماقساتىندا قارجى مينيسترلىگىنىڭ مەملەكەتتىك كىرىستەر كوميتىمەن پيلوتتىق جوبا ىسكە قوسىلدى. وعان سايكەس 2021 -جىلعى 1-قاڭتاردان 31-جەلتوقسانعا دەيىن سالىق تولەۋشىلەردىڭ جەكەلەگەن ساناتتارى ءۇشىن ە ش ف جازىپ بەرۋدەن بوساتۋ قاراستىرىلعان»- دەپ حابارلادى م ك ك- دە.

پيلوتتىق جوبانى ىسكە اسىرۋ ءتارتىبى قازاقستان رەسپۋبليكاسى قارجى ءمينيسترىنىڭ 2021 -جىلعى 18-ماۋسىمداعى №588 بۇيرىعىمەن بەلگىلەنگەن. ە ش ف جازىپ بەرۋ مىندەتىنەن:

1) قۇنى 1000 ەسەلەنگەن اەك مولشەرىنەن (2,9 ميلليون تەڭگە) اساتىن ازاماتتىق- قۇقىقتىق مامىلە بويىنشا كاسىپكەرلىك سۋبەكتىلەرى؛

2) ساتىپ الىنعان تاۋاردى تۇپكىلىكتى تۇتىنۋ ماقساتىندا پايدالانىلاتىن جەكە تۇلعالارعا وتكىزۋ كەزىندە كاسىپكەرلىك سۋبەكتىلەرى؛

3) جەكە جانە زاڭدى تۇلعالارعا تاۋارلاردى وتكىزۋ كەزىندە ق ق س تولەۋشىلەرى بولىپ تابىلمايتىن - ميكروكاسىپكەرلىك سۋبەكتىلەرى شوت- فاكتۋرا جازىپ بەرۋدەن بوساتىلادى.

تاۋارلاردى، جۇمىستاردى، كورسەتىلەتىن قىزمەتتەردى الۋشى شوت- فاكتۋرا جازىپ بەرۋدى تالاپ ەتكەن جاعدايدا، جەتكىزۋشى وسىنداي تالاپتى ورىنداۋعا مىندەتتى ەكەندىگىن ەسكەرۋ قاجەت. پيلوتتىق جوبانىڭ قاتىسۋشىلارى بولىپ جوعارىدا كورسەتىلگەن تالاپتاردىڭ بىرىنە سايكەس كەلەتىن سالىق تولەۋشىلەر تانىلادى.