بانگلادەشتەگى لوكداۋن: دۇنيە ءجۇزى كيىم- كەشەكسىز قالۋى مۇمكىن

نۇر-سۇلتان.قازاقپارات -بانگلادەشتە كوروناۆيرۋس جۇقتىرۋ دەرەكتەرىنىڭ كۇرت كوبەيىپ كەتۋىنە بايلانىستى قاتاڭ لوكداۋن ەنگىزىلدى.

جاڭا رەجيمگە سايكەس، ەلدەگى مەملەكەتتىك ءھام جەكەمەنشىك كاسىپورىنداردىڭ ءبارى جابىلعان. تۇرعىنداردىڭ سەبەپسىز سىرتقا شىعۋىنا رۇقسات جوق. جەرگىلىكتى دەنساۋلىق ساقتاۋ مينيسترلىگى وكىلدەرىنىڭ حابارلاۋىنشا، ءتارتىپتى باقىلاۋعا پوليتسەيلەر مەن شەكاراشىلار تارتىلادى. قاجەت بولسا، بۇل ىسكە اسكەريلەر دە جۇمىلدىرىلماق ەكەن.

ءوز كەزەگىندە ەل استاناسى داككادا ەڭبەك ەتەتىن جۇمىسشىلار جاڭا شەكتەۋ شارالارىنىڭ ەنگىزىلۋىنە بايلانىستى ءوز وڭىرلەرىنە قايتۋعا اسىق. قازىر ۆوكزالدار مەن پورتتاردا ۇزىنسونار كەزەك. كەمەگە وتىرا الماعان جولاۋشىلار جولعا جاياۋ شىعىپ جاتىر.

www.24.kz