كۇلتوبە قالاشىعىنان تاريحي قۇندى جادىگەر تابىلدى
ماماندار كۇلتوبە قالاشىعىنان تابىلعان دۇنيەلەردى قۇندى جادىگەرگە بالاپ وتىر.
سەبەبى ءبىزدىڭ ءداۋىرىمىزدىڭ ءى عاسىرىنا تيەسىلى جازبالار تۇتاس كۇيىندە ساقتالعان. نۇرسۇلتان مۇحامەدجان، ءتىلشى:
- ارحەولوگتار قۇندى ولجاعا كەنەلدى. ورداباسى اۋدانى سارىارىق اۋىلىنىڭ ماڭىندا ورنالاسقان ايماقتىڭ قازىر ءبىر بولىگى عانا ساقتالىپتى. ال ورتالىق بولىگى ارىس وزەنىنىڭ كوتەرىلۋى سالدارىنان شايىلىپ كەتكەن. پروفەسسور الەكساندر پودۋشكين بۇل تاقتايشالاردىڭ ەكى مىڭ جىلدان استام تاريحى بارىن ايتادى. شىڭ باسىپ، جەر استىنان تابىلعان جازبا جادىگەرىنەن تولىق ءماتىندى وقۋعا مۇمكىندىك بار. ايتۋىنشا، وسى ماڭدا ەجەلگى جازبا ورتالىعى جۇمىس ىستەپتى.
الەكساندر پودۋشكين، وقمپۋ پروفەسسورى:
- الەمدەگى ءاربىر مەملەكەتتىڭ جازبا مادەنيەتى قالىپتاسپاعان. ءار مەملەكەت جازبا تاريحىمىز بار دەپ ماقتانادى. ءبىراق كەراميكالىق كىرپىش كەستە تۇرىندەگى مۇنداي ونەر ءتۇرى سيرەك كەزدەسەدى. ءبىزدىڭ قازاقستانىمىز وسى ۇلى دەرجاۆالاردىڭ قاتارىنا ەنەدى. مۇندا العاش رەت 30 جىل بۇرىن قۇلتوبە دەپ اتالاتىن حاتتىڭ بولىكتەرى تابىلعان. ولار تاس تاقتادا، قىش ىدىستاردا اقپارات رەتىندە كورسەتىلگەن ەدى. ال بۇل كەراميكالىق كەستەنىڭ تاريحى تىم تەرەڭدە بولعاندىقتان زەرتتەۋشىلەردى قاتتى قىزىقتىرىپتى.
الەكساندر پودۋشكين، و ق م پ ۋ پروفەسسورى:
- بۇل جەردە سامارقاند، بۇحارا، كەش، قارشي، شاش سياقتى ءىرى ورتالىقتارعا قاتىسى بار وقيعالار جازىلعان. سونداي- اق قالانىڭ قۇرىلۋى مەن جەرى تۋرالى جازبا قالدىرىلعان. ەڭ باستىسى، شاتىرلار نەمەسە كوشپەندىلەر مەكەن ەتكەندىگى كورسەتىلگەن. ولار وتىرىقشى اۋىل شارۋاشىلىعىنىڭ ادامدارى بولىپتى.
عالىمدار بۇل جازبالاردان ارامەي ءالفاۆيتىن كەزدەستىرگەنىن ايتادى. بۇل ەجەلگى فينيكيا جازۋىنىڭ جەتىلگەن ءبىر نۇسقاسى. سونداي- اق ارحەولوگتار وسى ماڭنان قاتارداعى جاۋىنگەر ەمەس بىلىكتى قولباسشىنىڭ دا مۇردەسىن تاپتى.
الەكساندر پودۋشكين، وقمپۋ پروفەسسورى:
- وسىنداي ۇلكەن قورعاننان العاش رەت ساپالى سۇقپالى قارۋ تابىلدى. ونىڭ بارلىق پارامەترلەرى بايىرعى ۇلگىسىن قايتا قالپىنا كەلتىرە الاتىنىمىزدى كورسەتىپ وتىر.
ارحەولوگتار «كوشپەندىلەردىڭ ساداعىن دا قالپىنا كەلتىرىپ، قايتا قۇراستىرۋعا بولادى»، دەيدى. ءبىراق ازىرگە ونىڭ تەك باستى بولىگى عانا تابىلعان. ىزدەستىرۋ جۇمىستارى ءساتتى اياقتالسا سول زاماننىڭ قارۋى بۇگىنگىنىڭ قۇندى جادىگىرى بولار ەدى.
