دومبىرا، قوبىز جانە سىبىزعى بەلگيانىڭ مۋزىكالىق اسپاپتار مۇراجايىنا تاپسىرىلدى
اسپاپتار بەلگيالىق تاراپقا قۇرمانعازى اتىنداعى قازاق ۇلتتىق كونسەرۆاتوورياسى مەن قازاقستان مادەنيەت جانە سپورت مينيسترلىگىنىڭ اتىنان سىيلاندى. مۋزىكالىق اسپاپتاردى سىيعا تارتۋ ءراسىمىنىڭ ارنايى قوناقتارى اراسىندا بەلگيا ەلىنىڭ قالپىنا كەلتىرۋ جانە عىلىم ساياساتى جونىندەگى مەملەكەتتىك حاتشىسى توما دەرمين، سىرتقى ىستەر مينيسترلىگىنىڭ وكىلدەرى، بەلگيا فەدەرالدىق پارلامەنتىنىڭ دەپۋتاتتارى، سونداي-اق بريۋسسەلدىڭ «BOZAR» ونەر سارايىنىڭ وكىلدەرى بولدى.
قازاقستاندىق ەلشى قازاقستان مەن بەلگيا اراسىنداعى ىنتىماقتىقتىڭ ءۇش ونجىلدىق بويى كوپتەگەن باعىتتار، سونىڭ ىشىندە مادەنيەت سالاسىندا قارقىندى دامىپ كەلە جاتقانىن اتاپ ءوتتى.
بۇگىندە بريۋسسەلدىك مۇراجاي كوللەكتسياسى بەلگيا جانە الەمنىڭ باسقا حالىقتارىنىڭ 10 مىڭنان استام اسپاپتارىنان تۇرادى.
بۇل - الەمدەگى ەڭ ءىرى ءارى باي كوللەكتسيالاردىڭ ءبىرى. ەندىگى ۋاقىتتان باستاپ مۇراجايعا كەلۋشىلەر بۇل جەردەن دومبىرا، قوبىز جانە سىبىزعىنىڭ ءۇنىن ەستي الادى.
ءوز تاراپىنان، مەملەكەتتىك حاتشى ت. دەرمين بارلىق قازاقستاندىقتاردى ەل تاۋەلسىزدىگىنىڭ 30 جىلدىق مەرەيتويىمەن قۇتتىقتاپ، قازاقستاندىق تاراپقا بەلگيا كورولدىگىنىڭ مۋزىكالىق مۇراسىنا ايتارلىقتاي ۇلەس قوسقانى ءۇشىن العىسىن ءبىلدىردى.
ونىڭ ايتۋىنشا، قازاقستاننىڭ باي مۋزىكالىق مادەنيەتى ەندى بريۋسسەلدە تانىستىرىلادى.
دومبىرا، قوبىز جانە سىبىزعى بەلگيا كورولدىگىنىڭ مەملەكەتتىك ونەر جانە تاريح مۇراجايلارىنىڭ تىزىمىنە ەنگىزىلىپ، سونداي-اق بۇكىل الەم بويىنشا مۇراجايدىڭ ونلاين-كاتالوگى جانە مۋزىكالىق اسپاپتاردىڭ «م ءى م و» حالىقارالىق بازاسى ارقىلى قولجەتىمدى بولادى، دەپ اتاپ ءوتتى مەملەكەتتىك حاتشى.
بەلگيا جۇرتىنا دومبىرا ءۇنىن ەستىرتۋ ءۇشىن ا. جەلدىبايدىڭ «ەركە سىلقىم» اتتى قازاق كومپوزيتسياسى ورىندالىپ، سونداي-اق قوبىز جانە سىبىزعىنىڭ ءۇنى بار مۋزىكالىق بەينەروليكتەر ۇسىنىلدى.
بەلگيانىڭ مۋزىكالىق اسپاپتار مۇراجايىنىڭ نەگىزى (م ءى م) 1876-جىلى قالاندى.
