كورەيا رەسپۋبليكاسىندا العاش رەت قازاقستاننىڭ قۇرمەتتى كونسۋلى تاعايىندالدى
بۇل تۋرالى قازاقپارات ق ر سىرتقى ىستەر مينيسترلىگىنىڭ باسپا ءسوز قىزمەتىنە سىلتەمە جاساپ حابارلايدى.
جاڭادان تاعايىندالعان قۇرمەتتى كونسۋل ەكى مەملەكەت اراسىنداعى ديپلوماتيالىق قارىم-قاتىناسى تاريحىنداعى وسىنداي لاۋازىمداعى ءبىرىنشى رەت تاعايىندالدى.
ونىڭ نەگىزگى قىزمەتى ازاماتتارىمىزدىڭ قۇقىقتارىن قورعاۋ جونىندەگى جۇمىستى كۇشەيتۋگە، سونداي-اق ەكونوميكا، مادەنيەت، ءبىلىم جانە عىلىم سالاسىنداعى ىنتىماقتاستىقتى دامىتۋعا جاردەمدەسۋگە باعىتتالاتىن بولادى.
قۇرمەتتى كونسۋلدىقتىڭ يۋريسديكتسياسىنا چحۋنچحوننام-دو، چحۋنچحونبۋك-دو، چحوللانام-دو، چحوللابۋك-دو، كەنگساننام-دو، كەنگسانبۋك-دو جانە كانۆون-دو پروۆينتسيالارى كىرەتىن بولادى.
انىقتاما رەتىندە: قۇرمەتتى كونسۋلدىق - ءوزى وكىلدىك ەتەتىن ەلدىڭ مەملەكەتتىك قىزمەتىندە تۇرماي، سول ەلدىڭ جانە ونىڭ ازاماتتارىنىڭ قۇقىقتارى مەن مۇددەلەرىن قورعاۋدى قوسا، ءبىراق ۆيزالار مەن وزگە دە رەسمي قۇجاتتاردى بەرۋدى قوسپاعاندا، وكىلدىك ەتەتىن مەملەكەتتىڭ تاپسىرماسىمەن جانە بولۋ ەلىنىڭ كەلىسىمىمەن اقىسىز نەگىزدە كەيبىر كونسۋلدىق مىندەتتەردى اتقاراتىن قۇرمەتتى (شتاتتان تىس) كونسۋل باسقاراتىن مەكەمە.
