19:16, 30 - ماۋسىم 2021 | GMT +5
نۇر-سۇلتاندا پوليتسەيلەر «گراناتاسى» بار ماس ادامدى ۇستادى
نۇر-سۇلتان. قازاقپارات - قالا ماڭايىنداعى اۋىلدىڭ تۇرعىنى «102» نومىرىنە حابارلاسىپ، ءوزىنىڭ قوناي ۇيدە ەكەنىن جانە قولىندا گراناتاسى بار جالدامالى كىسى ءولتىرۋشى ەكەنىن مالىمدەگەن، دەپ حابارلايدى قازاقپارات ەلوردالىق پ د- ءنىڭ باسپا ءسوز قىزمەتىنە سىلتەمە جاساپ.
تەكسەرىس بارىسىندا پوليتسيا قىزمەتكەرلەرى قاۋىپتى جانە تىيىم سالىنعان زاتتاردى تاپپاعان.
جەدەل-ىزدەستىرۋ شارالارى كەزىندە گراناتا تۋرالى حابارلاعان ادام ۇستالدى. ول ماس كۇيدەگى 40 جاستاعى ەر ادام بولىپ شىقتى.
تەرگەۋ بارىسىندا كۇدىكتىنىڭ بۇرىن بىرنەشە رەت سوتتالعانى جانە پوليتسيادا تىركەۋدە تۇرعانى انىقتالدى. ايتۋىنشا، ول قوناق ۇيدە تانىس ايەلمەن ىشىمدىك ىشكەن. ايەلدىڭ الدىندا ءوز-ءوزىن كورسەتۋ ءۇشىن پوليتسياعا حابارلاسىپ، جاۋىنگەرلىك گراناتا تۋرالى ايتقان.
اتالمىش فاكتى بويىنشا جالعان اقپارات تاراتقانى ءۇشىن كۇدىكتىگە قاتىستى ق ر ق ك- ءنىڭ 274-بابىنا سايكەس قىلمىستىق ءىس قوزعالدى. ەلوردا پوليتسەيلەرى جالعان اقپارات تاراتقانى ءۇشىن قىلمىستىق جاۋاپكەرشىلىك قاراستىرىلاتىنى تۋرالى ازاماتتاردىڭ ەسىنە سالادى.
