ەۋروپا ەلدەرى قالىپتى ومىرگە قايتا ورالا باستادى
گەرمانيادا «ەۋروپا- پاركى اشىلدى». پارككە كىرۋ ءۇشىن تەك كوروناۆيرۋسقا تەرىس ناتيجەسى تۋرالى انىقتاما بولۋى كەرەك. بەرلين-براندەنبۋرگتىڭ جوعارعى اكىمشىلىك سوتى گەرمانيا استاناسىندا دەمالىس كۇندەرى جوسپارلانعان كوروناۆيرۋس شەكتەۋلەرىنە قارسى ەكى ءىرى دەمونستراتسيا وتكىزۋگە تىيىم سالۋدى راستادى. وسىعان وراي، بەرلين تۇرعىندارى قالانىڭ ەڭ كونە سىرا باعى Prater- دە دەمالۋعا مۇمكىندىك الادى.
ال فرانسيادا مۋزەيلەر مەن كينوتەاترلاردىڭ اشىلعانىنا بىرنەشە كۇن بولدى. فرانسيا پرەزيدەنتى ەممانۋەل ماكرون پاندەميا كەزىندە مادەنيەت سالاسىن قارجىلاندىرۋ 11 ميلليارد ەۋرودان اسقانىن ايتتى. سونداي-اق ول رەسپۋبليكانىڭ بارلىق 18 جاستاعى ازاماتتارى ءۇشىن 300 ەۋروعا «مادەني ابونەمەنت» ەنگىزىلگەنىن جەتكىزدى.
«ءبىز قيىن كەزەڭنەن امان- ەسەن شىعۋىمىز ءۇشىن اتا- انالارىمىزبەن جانە دوستارىمىزبەن كەزدەسۋدەن باس تارتۋىمىز كەرەك ەدى جانە بۇل وڭايعا سوقپادى. تابىس كوزى بولعان كورەرمەندەرىنەن ايىرىلعان مادەنيەت قىزمەتكەرلەرىنە دە قيىن بولدى. بۇل كەزەڭ ونەردى باعالايتىن وتانداستارىمىز ءۇشىن دە قيىن بولدى»، - دەدى فرانسيا پرەزيدەنتى.
پولشادا مادەنيەت مەكەمەلەرى جوسپارلانعان مەرزىمنەن ءبىر اپتا بۇرىن اشىلادى. كينوتەاترلار مەن كونسەرت زالدارى قايتا اشىلادى. تەك الەۋمەتتىك الىستاتۋ سياقتى قاتاڭ سانيتارلىق ەرەجەلەر ساقتالۋى كەرەك.
يسپانيا پرەمەر-ءمينيسترى پەدرو سانچەس دۇيسەنبىدەن باستاپ بريتان ساياحاتشىلارىنا شەكتەۋلەردى الىپ تاستايتىنىن مالىمدەدى. ەۋروپالىق ءدارى- دارمەكتەر اگەنتتىگى (EMA) نەمەسە دۇنيەجۇزىلىك دەنساۋلىق ساقتاۋ ۇيىمى (د د س ۇ) ماقۇلداعان جاڭا كوروناۆيرۋسقا قارسى ءدارى- دارمەكتەرمەن ەگىلگەن شەتەلدىك تۋريستەر 7-ماۋسىمنان باستاپ يسپانياعا بارا الادى.
