تاعى ءبىر وبلىستا كارانتين كۇشەيتىلمەك

كوكشەتاۋ. قازاقپارات - اقمولا وبلىسىنىڭ باس مەملەكەتتىك سانيتارلىق دارىگەرىنىڭ «اقمولا وبلىسىنىڭ اۋماعىندا كارانتيندىك شەكتەۋ شارالارىنا وزگەرىستەر مەن تولىقتىرۋلار تۋرالى» جاڭا قاۋلىسى شىقتى، دەپ حابارلايدى قازاقپارات ءتىلشىسى.

قاۋلىدا وتباسىلىق، ەستەلىك (بانكەت، ۇيلەنۋ توي، مەرەيتوي، دۇعا) جانە كوپشىلىك جينالاتىن وزگە دە ءىس-شارالاردى قوعامدىق تاماقتانۋ وبەكتىلەرىندە جانە ۇيدە وتكىزۋگە تىيىم سالىنىپ وتىر. ال، ويىن- ساۋىق ورىندارىسىز ساياباقتارعا، الاڭدارعا، سكۆەرلەرگە جانە وزگە دە دەمالىس ورىندارىنا توپتا 3 ادامنان ارتىق بولماۋى كەرەك نەمەسە ءبىر وتباسى مۇشەلەرىنە بارۋعا رۇقسات بەرىلەدى. جەرلەۋ ءىس- شارالارىن جۇرگىزۋ كەزىندە كەمىندە 2 مەتر قاشىقتىقتى ساقتاي وتىرىپ، (وتباسى مۇشەلەرى) 30 ادامنان ارتىق جينالۋعا جول بەرىلمەيدى.

«كوپشىلىك ءىس- شارالار (مەرەكەلىك، كوپشىلىك سپورت، ويىن- ساۋىق مادەني- كوپشىلىك ءىس- شارالاردى، فورۋم، كونفەرەنسيا جانە ت. ب. وتكىزۋگە)، وتباسىلىق ءىس- شارالار (بانكەت، ۇيلەنۋ تويى، مەرەيتوي، مەرەكەلىك كورپوراتيۆ، دۇعا) جانە كوپشىلىك جينالاتىن وزگە دە ءىس- شارالاردى، ونىڭ ىشىندە ۇيدە وتكىزۋگە تىيىم سالىنادى. ويىن- ساۋىق مەكەمەلەرى (تۇنگى، ويىن كلۋبتار جانە باسقا دا)، بۋكمەكەر كەڭسەلەرىنىڭ جانە ەرەسەكتەر مەن بالالارعا ارنالعان وزگە دە ويىن- ساۋىق، كاليان ورىندارىنىڭ (ونىڭ ىشىندە قوعامدىق تاماقتانۋ وبەكتىلەرىندەگى) قىزمەتىنە تىيىم سالىنادى. مەرەكەلىك كورپوراتيۆتەردى ۇيىمداستىرۋ مەن وتكىزۋگە، كورمە وتكىزۋگە، (اشىق اۋادا) مارافون وتكىزۋگە، «Ashyq» جوباسىنا قاتىساتىن بانكەت زالدارىندا 30 ادامنان اسىرماي، اس بەرۋدى قوسپاعاندا، اس بەرۋگە تىيىم سالىنادى»، - دەلىنگەن قۇجاتتا.

سونىمەن بىرگە، كەزەكشى توپتاردى قوسپاعاندا، مەكتەپكە دەيىنگى بالالار مەكەمەلەرىنىڭ قىزمەتىنە تىيىم سالىنسىن. 25 ادامنان ارتىق ەمەس مەكتەپكە دەيىنگى بالالار مەكەمەلەرىنىڭ كەزەكشى توپتارىنىڭ قىزمەتىنە جول بەرىلمەيدى. تۇراقتى ەمەس وبلىسارالىق (تۋريستىك تاسىمال) قوزعالىسى، تۇراقتى ەمەس وبلىسارالىق، قالاارالىق (شاعىن اۆتوبۋستار) قوزعالىسى، «Ashyq» جوباسىنا قاتىساتىن وبەكتىلەردى قوسپاعاندا، بالالارعا ويىن- ساۋىق ورتالىقتارىنىڭ (ويىن الاڭدارى، جابىق ءۇي- جايلارداعى اتتراكتسيوندار) قىزمەتىن توقتاتادى.

تەك اشىق اۋاداعى اتتراكتسيون قىزمەتىنە رۇقسات بەرىلەدى. بۇدان بولەك، بيليارد، كاراوكە، كومپيۋتەرلىك كلۋبتار، بانكەت زالدارى، بوۋلينگ كلۋبتارى، مادەنيەت وبەكتىلەرى، كينوتەاتر، تەاتر، كونتسەرت زالدارى، فيلارمونيا، كورەرمەندەرمەن بىرگە سپورت ءىس-شارالارىنا تيىم سالىنادى. ال، قالا ماڭىنداعى جولاۋشىلار پوەزدارىنىڭ/ەلەكتر پويىزدارىنىڭ، جالپى ۆاگونسىز جولاۋشىلار پوەزدارىنىڭ قوزعالىسىنا، سونداي-اق، تولتىرىلۋى 30 پايىزدان ارتىق ەمەس بالالار ساۋىقتىرۋ ۇيىمدارى قىزمەتىنە رۇقسات بەرىلەدى. مەشىتتەر، پراۆوسلاۆيە شىركەۋلەرى جانە باسقا دا ءدىني وبەكتىلەر اۋماعىندا ۇجىمدىق ءدىني ءىس-شارالاردى، ونىڭ ىشىندە «جۇما نامازى»، كۇندەلىكتى پراۆوسلاۆيەلىك دۇعالار جانە باسقالارىن، اشىق اۋادا وتكىزۋ ماسكا رەجيمى مەن ءبىر ادامعا كەمىندە 4 مەتر ەسەبىنەن الەۋمەتتىك قاشىقتىق ساقتالعان كەزدە جۇزەگە اسىرىلادى. كەلۋشىلەر سانىن 30 پايىزدان ارتىق ەمەس جانە ءبىر كەلۋشىگە كەمىندە 4 ش. م. ورىن ساقتالعان، (بازار ۇلگىسىندەگى ساۋدا ۇيلەرى، ساۋدا ورتالىقتارى، پاۆيلون، دۇكەن جانە ت. ب. ) جەكسەنبى كۇندەرى قىزمەتىن توقتاتا تۇرىپ، جابىق ازىق- تۇلىك ەمەس جانە ازىق- تۇلىك بازارلارى قىزمەتىنە رۇقسات بەرىلەدى.

ازىق- تۇلىك سۋپەرماركەتتەرى مەن ولارداعى ءدارىحانالاردى قوسپاعاندا، اۋدانى 500 ش. م. ارتىق ساۋدا ويىن- ساۋىق ورتالىقتارى، ساۋدا ۇيلەرى، ساۋدا ورتالىقتارى، ازىق- تۇلىك ەمەس دۇكەندەر، ارالاس تاۋارلار دۇكەندەرى (قويما ءۇي-جايلارىنسىز جالپى اۋدانى ەسكەرىلەدى) سەنبى جانە جەكسەنبىدە جۇمىسىن توقتاتادى.

Ashyq» جوباسىنا قاتىساتىن وبەكتىلەردى قوسپاعاندا، بالالار ويىن الاڭدارى مەن اتتراكتسيوندارى قىزمەتىنە تىيىم سالىنادى. قاۋلى 2021 -جىلعى 3-شىلدەدە ساعات 00.00-دەن باستاپ كۇشىنە ەنەدى.

اۆتور: اسلان وسپانوۆ