كولگىنوۆ بالالار مەكتەپكە ورالۋى ءۇشىن نە ىستەۋ كەرەك ەكەنىن مالىمدەدى

نۇر-سۇلتان. قازاقپارات - نۇر-سۇلتان قالاسىنىڭ اكىمى التاي كولگىنوۆ جاڭا وقۋ جىلىندا بالالار مەكتەپكە ورالا ما دەگەن سۇراققا جاۋاپ بەردى، دەپ حابارلايدى قازاقپارات ءتىلشىسى.

«بالالاردىڭ مەكتەپتى ساعىنعانىن بىلەمىز. نە دەگەنمەن، ونلاين وقىتۋ كلاسسيكالىق وقۋ پروتسەسىنەن ەرەكشەلەنەدى. مەملەكەت باسشىسىنىڭ تاپسىرماسىنا سايكەس، ءبىز وسىعان دايىندالىپ جاتىرمىز. بىرىنشىدەن، بۇل ءۇشىن بارلىق وقىتۋشىلار قۇرامى ۆاكسينا الۋى كەرەك. ءقازىر پەداگوگتاردىڭ %60 دان استامى ۆاكسينا سالعىزدى، بۇل جۇمىس بەلسەندى تۇردە جالعاسۋدا. ارينە، ءبىز دارىگەرلەرمەن كەڭەسىپ، جاستارعا ۆاكسينا ەگۋدى تالقىلاپ جاتىرمىز. ازىرگە بىزدە 18+ تالابى بار. ءبىراق، ەڭ الدىمەن، مۇعالىمدەردى ۆاكسينالاۋ كەرەك. قازىر جاڭا وقۋ جىلىنا دايىندالىپ جاتىرمىز»، - دەدى ا. كولگىنوۆ ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.

سونىمەن بىرگە، اكىم مەديتسينالىق قارسى كورسەتىلىمدەرى بار مۇعالىمدەر ۆاكسينالاۋدان بوساتىلاتىنىن ەسكە سالدى.

اۆتور: ايجان سەرىكجان قىزى