پاندەميامەن كۇرەستە باسقا جول جوق - التاي كولگىنوۆ تۇرعىنداردى ۆاكسينا الۋعا شاقىردى
بۇل تۋرالى نۇر-سۇلتان قالاسىنىڭ اكىمى التاي كولگىنوۆ ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا ايتتى، دەپ حابارلايدى قازاقپارات ءتىلشىسى.
«قازىر قالا تۇرعىندارى مەن ۇجىمداردى ۆاكسينالاۋ جۇمىستارى بەلسەندى ءجۇرىپ جاتىر. ءبىز 100 ۆاكسينالاۋ بەكەتىن اشتىق، بارلىق جەكە جانە مەملەكەتتىك امبۋلاتوريالىق ەمحانالار كۇن سايىن جۇمىس ىستەيدى، سونداي- اق ءىرى ساۋدا ورتالىقتارىندا ۆاكسينالاۋ پۋنكتتەرى بار»، - دەدى ا. كولگىنوۆ.
سونىمەن بىرگە، اكىم ادامداردى ۆاكسينالاۋعا ىنتالاندىرۋ ءۇشىن قۇندى سىيلىقتار ويناتىلعانىن ەسكە سالدى.
«ساراپشىلاردىڭ ايتۋىنشا، پاندەميامەن كۇرەسۋدىڭ باسقا جولى جوق. ءبىز ۆاكسينا العانداردىڭ سانىن ارتتىرىپ، ۇجىمدىق يممۋنيتەتتى قالىپتاستىرۋىمىز كەرەك. قازىر مەديتسينا قىزمەتكەرلەرىنىڭ 90%- دان استامى، كوممۋنالدىق قىزمەتكەرلەرىنىڭ %70 دان استامى ۆاكسينا سالدىرعان. ودان بولەك، موبيلدى توپتار جۇمىس ىستەيدى، ۇجىمدارعا بارىپ، ۆاكسينا الۋعا كومەكتەسەدى. بۇل - وتە ماڭىزدى جۇمىس. بارلىق قالا تۇرعىندارىن تەزىرەك ۆاكسينا الۋعا جانە وزدەرى مەن جاقىندارىن قورعاۋعا شاقىرامىن»، - دەدى التاي كولگىنوۆ.
اۆتور: ايجان سەرىكجان قىزى
