نۇر-سۇلتاندا قوس جاعالاۋدى جالعايتىن جاڭا كوپىر سالىنادى

نۇر-سۇلتان. قازاقپارات - نۇر-سۇلتان قالاسىنىڭ اكىمى التاي كولگىنوۆ ەسىل وزەنىنەن وتۋگە ارنالعان جاڭا كوپىر قۇرىلىسى تۋرالى ايتىپ بەردى، دەپ حابارلايدى قازاقپارات ءتىلشىسى.

«بيىل تاۋەلسىزدىك داڭعىلىمەن ەسىل وزەنىنەن وتەتىن كوپىر قۇرىلىسىن باستايمىز. الداعى ەكى جىلدا قۇرىلىس اياقتالادى. سوندا ماڭگىلىك ەل داڭعىلىنداعى كولىك كەپتەلىسى ازايتىپ، وڭ جانە سول جاعالاۋلاردى قوسىمشا كوپىرمەن جالعايمىز»، - دەدى ا. كولگىنوۆ ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.

سونىمەن بىرگە، بيىل 2 كوپىردىڭ قۇرىلىسى اياقتالىپ، پايدالانۋعا بەرىلۋى ءتيىس.

«كولىك جۇكتەمەسىن ازايتۋ ءۇشىن قوسىمشا كوپىرلەر سالۋىمىز قاجەت. قازىر شارتتى اتاۋى №27 كوشە ازىرلەنىپ جاتىر. وندا جاڭا ۆوكزالعا قاراي نۇرا- ەسىل كانالى مەن ەسىل وزەنىنەن وتەتىن ەكى كوپىر سالىنعان. بۇل دا وڭ جانە سول جاعالاۋدارداعى كولىك كەپتەلىسىن ازايتۋعا كومەكتەسەدى. بيىل بارلىق قۇرىلىس اياقتالىپ، پايدالانۋعا بەرىلەدى»، - دەدى ەلوردا اكىمى.

اۆتور: ايجان سەرىكجان قىزى