اۋا رايى: سارسەنبىدە ەلىمىزدە ىستىق بولادى

نۇر- سۇلتان. قازاقپارات - سينوپتيكتەردىڭ بولجاۋىنشا سارسەنبىدە ەلىمىزدە ىستىق بولادى، دەپ حابارلايدى قازاقپارات قازگيدرومەتكە سىلتەمە جاساپ.

30-ماۋسىمدا جوعارى قىسىم ايماعىنىڭ اسەرىنەن رەسپۋبليكانىڭ باسىم بولىگىندە ازداعان بۇلتتى، ىستىق اۋا رايى كۇتىلەدى. تەك ەلىمىزدىڭ باتىسىندا اتموسفەرالىق اىعنداردىڭ وتۋىنە بايلانىستى نايزاعايلى وتكىنشى جاڭبىر جاۋىپ، جەل كۇشەيۋى مۇمكىن.

جامبىل وبلىسىنىڭ تاۋلى ايماقتارىندا جەل 15-20 م/س كۇشەيەدى، كۇندىز كەي جەرلەرىندە بۇرشاق جاۋادى. اتىراۋ وبلىسىنىڭ كەي جەرلەرىندە شاڭدى داۋىل سوعۋى مۇمكىن، كۇندىز نايزاعاي ويناپ، جەل 15-20 م/س كۇشەيەدى.

باتىس قازاقستان وبلىسىنىڭ كەي جەرلەرىندە بۇرشاق جاۋادى، جەل 15-20 م/س كۇشەيەدى. اقتوبە، كۇندىز قوستاناي وبلىستارىنىڭ كەي جەرلەرىندە جەل 15-18 م/س كۇشەيەدى.

كۇندىز اقمولا، الماتى، جامبىل، تۇركىستان، قىزىلوردا، ماڭعىستاۋ، اتىراۋ، باتىس قازاقستان، سولتۇستىك قازاقستان وبلىستارىندا، قاراعاندى وبلىسىنىڭ وڭتۇستىگىندە قاتتى ىستىق بولادى.

اقتوبە وبلىسىندا اپتاپ ىستىق، كەي جەرلەردە وتە قاتتى ىستىق بولادى. قوستاناي وبلىسىنىڭ كەي جەرلەرىندە وتە قاتتى ىستىق بولۋى ىقتيمال.

قىزىلوردا، ماڭعىستاۋ، اتىراۋ، اقتوبە، تۇركىستان، جامبىل وبلىستارىنىڭ باسىم بولىگىندە، قاراعاندى، باتىس قازاقستان، قوستاناي، الماتى، اقمولا وبلىستارىنىڭ كەي جەرلەرىندە ءورت قاۋىپى وتە جوعارى.