اۋىل شارۋاشىلىعىندا كەلىمسەكتەر نەگە كوپ؟

نۇر-سۇلتان. قازاقپارات - ەلىمىزدە اۋىل شارۋاشىلىعى سالاسىندا نەلىكتەن گاستاربايتەرلەر كوپ.

بۇل سۇراققا ق ر ءى ءى م كوشى-قون كوميتەتى ءتوراعاسىنىڭ ورىنباسارى سابىرجان سەيىتجانوۆ جاۋاپ بەردى، دەپ حابارلايدى قازاقپارات ءتىلشىسى.

«بۇل جەردە ماسەلە جۇمىس كۇشىنىڭ جەتىسپەۋىنەن ەمەس، ءبىزدىڭ ازاماتتار اۋىل شارۋاشىلىعىندا جۇمىس ىستەگىسى كەلمەيدى، ونىڭ ۇستىنە جالاقىسى از. ەلدەگى جۇمىسسىز ازاماتتاردىڭ ءوزى جالاقىسىن ازسىنىپ، بۇل سالادا جۇمىس ىستەگىسى كەلمەيدى. ال وزبەكستان ازاماتتارى اۋىل شارۋاشىلىعىندا قۋانا جۇمىس ىستەيدى»، - دەدى س. سەيىتجانوۆ و ك ق- دە تىلشىلەردىڭ سۇراعىنا جاۋاپ بەرە وتىرىپ.

بۇعان دەيىن كوشى-قون كوميتەتىنىڭ وكىلى، شەتەلدىك ەڭبەك ميگرانتتارىنىڭ زاڭدى تۇردە قالاي جۇمىس ىستەي الاتىنى تۋرالى ايتىپ بەردى. ودان بولەك، اتالعان باسپا ءسوز ءماسليحاتىندا ازاماتتىعى جوق ماسەلەلەر جونىندەگى وڭىرلىك كەڭەسشى، ب ۇ ۇ بوسقىندار ىستەرى جونىندەگى جوعارى كوميسسار باسقارماسىنىڭ ورتالىق ازيا بويىنشا وكىلى رومان مارين قازاقستاندا ازاماتتىعى جوق 7 مىڭ ادامنىڭ تىركەلگەنىن ءمالىم ەتتى.

«ءبىز قازاقستان رەسپۋبليكاسىندا ءار ادامنىڭ جەكە قۇقىعى قورعالىپ، ونىڭ ازاماتتىعىن زاڭداستىرۋدا بارلىق مۇمكىندىك قاراستىرىلعانىنا سەنىمدىمىز. وتكەن جىلدىڭ سوڭىندا قازاقستان اۋماعىندا ازاماتتىعى جوق 7 مىڭ ادام تىركەلدى. ايتىپ وتكەن ءجون، «ازاماتتىعى جوق» مارتەبەسىن رەسمي تۇردە العان ادام، زاڭ اياسىندا ءوز قۇقىعىن قورعاپ، ازاماتتىعى بار ادامدارمەن بىردەي مۇمكىندىكتەردى قولدانا الادى. قازاقستاندا بۇل باعىتتاعى جۇمىستاردى ءى ءى م قۇزىرلى جانە ۇكىمەتتىك ەمەس ۇيىمدارمەن بىرلەسىپ اتقارىپ جاتقان ەڭبەگى ءوز جەمىسىن بەرىپ جاتىر. ءبىز دە ءوز تاراپىمىزدان ازاماتتىعى جوق ادامدارعا جان-جاقتى قولداۋ كورسەتۋگە ءازىرمىز»، - دەيدى ول.