«قالالار اراسىندا بلوكپوستار قويىلدى» دەگەن اقپارات راس پا

نۇر-سۇلتان. قازاقپارات - الەۋمەتتىك جەلىلەردە ەلدە ەنگىزىلگەن لوكداۋن تۋرالى اقپارات تارالا باستادى، دەپ حابارلايدى قازاقپارات.

ەل تۇرعاندارىنىڭ ايتۋىنشا، قازاقستان كوروناۆيرۋستىڭ تارالۋ قارقىنى بويىنشا قايتادان «قىزىل» ايماققا ەندى. سول سەبەپتى قالالار اراسىنداعى قوزعالىسقا تىيىم سالىنعان- مىس.

بۇل اقپاراتتى ق ر دەنساۋلىق ساقتاۋ مينيسترلىگى سانيتاريالىق- ەپيدەميالىق باقىلاۋ كوميتەتى جوققا شىعاردى.

«بۇل - جالعان اقپارات. بۇگىنگى تاڭدا كەيبىر ايماقتاردا ەپيدەميولوگيالىق جاعدايدىڭ ناشارلاۋىنا بايلانىستى كارانتيندىك شارالار كۇشەيتىلدى. ولار ساۋدا ورتالىقتارىنىڭ، ءدامحانالاردىڭ، بارلاردىڭ جۇمىس ۋاقىتىن قىسقارتۋعا، قوعامدىق كولىكتەردى دەزينفەكسيالاۋ ۋاقىتىن ۇلعايتۋعا جانە تاعى باسقاسىنا قاتىستى.

ەل اۋماعىندا لوكداۋن ەنگىزىلمەيدى. قالالار اراسىنداعى اۆياتاسىمال مەن قالاارالىق جەرۇستى كولىك قاتىناسى شتاتتىق رەجيمدە جۇمىس ىستەيدى. بلوكپوستار قويىلماعان»، - دەپ

جازادى stopfake.kz سايتى ۆەدومستۆونىڭ رەسمي وكىلى ەرجان بايتانايەۆقا سىلتەمە جاساپ.

بۇگىنگى تاڭدا قازاقستاندا ءۇندىستاندا العاش رەت تابىلعان Delta-شتامنىڭ تارالۋىنا بايلانىستى كۆي- مەن سىرقاتتانۋشىلىقتىڭ ءوسۋى تىركەلۋدە.

كوروناۆيرۋستىڭ تارالۋ قارقىنى بويىنشا نۇر-سۇلتان، الماتى، اتىراۋ، باتىس قازاقستان جانە قاراعاندى وبلىستارى «قىزىل» ايماققا كىردى. «سارى» ايماقتا - شىمكەنت، اقمولا، اقتوبە، قوستاناي جانە ماڭعىستاۋ وبلىستارى تۇر. قالعان وڭىرلەر - «جاسىل» ايماقتا.