ارالاس جەكپە-جەك جارىسىندا جاپپاي توبەلەس بولدى

نۇر-سۇلتان. قازاقپارات – ماسكەۋدە وتكەن ارالاس جەكپە-جەك بويىنشا جارىستا جاپپاي توبەلەس بولدى.

جارىستى R3 Fighting Championship ۇيىمى ۇيىمداستىرعان، - دەپ حابارلايدى Vesti.kz باسىلىمى.

ەكى فايتەر مەن ولاردىڭ كوماندالارى سوزگە كەلىپ، سوڭى توبەلەسكە ۇلاسقان. قورشاۋدان سەكىرىپ وتكەن كورەرمەندەر دە وقيعاعا ارالاستى.

ۇيىمداستىرۋشىلار توبەلەستى توقتاتىپ، قاتىسۋشىلاردى سابىرعا شاقىرۋ ءۇشىن كوپ كۇش سالدى. جانجالعا پوليتسيا قىزمەتكەرلەرى مەن كۇزەتشىلەر دە ارالاستى.

بوگدە ادامدار وكتاگوننان شىعارىلعان سوڭ، ەكى فايتەر جانجالدى شەشپەك بولادى، الايدا كوپ ۇزاماي تۋرنيردىڭ جوسپاردان تىس قاتىسۋشىلارىنا اينالادى.

الايدا جەكپە-جەك ءبىر مينۋتقا عانا سوزىلعان. قىزىل قولعاپتاعى فايتەر قىلعىندىرۋ ءتاسىلىن قولدانىپ، جەڭىسكە جەتتى.