قازاقستاندىق تەننيسشىلەر وليمپيادانىڭ تاعى ءبىر جولداماسىنا يە بولدى

نۇر-سۇلتان. قازاقپارات - قازاقستاندىق تەننيسشىلەر وليمپيادانىڭ تاعى ءبىر جولداماسىنا يە بولدى، دەپ حابارلايدى قازاقپارات ءتىلشىسى.

قازاقستان تەننيس فەدەراتسياسى ءمالىم ەتكەنىندەي، ەلەنا رىباكينا مەن ياروسلاۆا شۆەدوۆا توكيودا جۇپتىق سىندا ونەر كورسەتەتىن بولدى.

وسىلايشا قازاقستاندىق تەننيسشىلەر جەتى ليتسەنزيانى يەلەنىپ وتىر. بۇل قازاقستان تەننيسى ءۇشىن رەكوردتىق كورسەتكىش بولىپ تابىلادى. بۇعان دەيىن وليمپيادالاردا تەننيسشىلەر ەنشىسىندە ەڭ كوبى ءتورت جولداما بولعان ەدى.

توكيودا الەكساندر بۋبليك، ميحايل كۋكۋشكين، ەلەنا رىباكينا، يۋليا پۋتينسەۆا جانە ياروسلاۆا شۆەدوۆا جەكەلەي سىندا دوداعا تۇسپەك. ال جۇپتىق سىندا ا. بۋبليك پەن اندرەي گولۋبيەۆ، ە. رىباكينا مەن يا. شۆەدوۆا ەل نامىسىن قورعايدى.

وليمپيادالىق تەننيس تۋرنيرى 24-شىلدە – 1-تامىز ارالىعىندا وتەدى.

ەسكە سالا كەتەيىك، بۇدان بۇرىن قازاقستاننان تاعى ەكى تەننيسشىنىڭ توكيو وليمپياداسىنا جولداما العانىن، ە. رىباكينانىڭ ۋيمبلدون تۋرنيرىن جەڭىسپەن باستاعانىن جازعان بولاتىنبىز.