فۋتبولدان ەۋروپا چەمپيوناتى: شۆەيساريا فرانسيا قۇراماسىن جەڭدى

نۇر- سۇلتان. قازاقپارات - فۋتبولدان ەۋروپا چەمپيوناتىنىڭ شيرەك فينالىنا جولداما العان بەسىنشى قۇراما انىقتالدى، دەپ حابارلايدى قازاقپارات ءتىلشىسى.

ءدۇبىرلى دودانىڭ 1/8 فينالىنداعى التىنشى كەزدەسۋدە فرانتسيا مەن شۆەيتساريا جاسىل الاڭعا شىقتى. ەكى قۇراما بۇعان دەيىن 40 مارتە كەزدەستى. ونىڭ 18-دە فرانسيا باسىم ءتۇسىپ، 18 ىندە پورتۋگاليانىڭ مەرەيى ۇستەم بولدى، قالعانىندا تەڭ ناتيجە تىركەلدى.

بۇدان بۇرىن شۆەيتساريا اتالعان قارسىلاسىنان 1992 -جىلدىڭ 21-مامىرىندا جولداستىق كەزدەسۋدە 2:1 ەسەبىمەن تىزە بۇكتىرگەن ەدى. سودان بەرگى سەگىز ويىننىڭ 4 ىندە فرانسۋزدار جەڭىسكە جەتسە، قالعانىندا تەڭ ناتيجە تىركەلدى. جاناۇيەرلەر بۇگىنگى كەزدەسۋدە فرانتسيانىڭ جەڭىسىنە ەش كۇماندانعان جوق ەدى. ويىننىڭ العاشقى ساتتەرىندە ولاردىڭ باسىمدىعى بايقالىپ تۇرعان بولاتىن. دەسە دە ۋاقىت وتە كەلە شۆەيتساريالىق فۋتبولشىلار قارسى شابۋىلدارعا يەك ارتتى. ناتيجەسىندە كەزدەسۋدىڭ 15-مينۋتىندا ولاردىڭ قاتارىندا حاريس سەفەروۆيچ باسپەن قاقپا تورىن تۋلاتىپ، ءوزىنىڭ قۇراماسىن العا شىعاردى. ال 53-مينۋتتا فرانسۋز قاقپاشىسى ۋگو ليۋريس پەنالتيدى قايتاردى. ودان كەيىن فرانسيالىق شابۋىلشى كاريم بەنزەما 57، 59-مينۋتتاردا قوس گولدىڭ اۆتورى اتاندى. وسىلايشا فرانسيا العا شىقتى.

اتالعان قۇراما ساپىنان پول پوگبانىڭ 75-مينۋتتا الىستان تەپكەن دوبى قاقپا تورىندا تۋلاپ جاتتى. شۆەيتساريالىق فۋتبولشىلار نامىسقا تىرىسىپ، ودان كەيىن ەكى گول سوقتى. ونى حاريس سەفەروۆيچ 81، ماريو گاۆرانوۆيچ 90-مينۋتتا ءوزىنىڭ ەنشىسىنە جازدى. نەگىزگى كەزەڭ 3:3 ەسەبىمەن تەڭ اياقتالىپ، ويىن وۆەرتايمعا ۇلاستى. وۆەرتايمدا دا جەڭىمپاز انىقتالعان جوق. پەنالتي تەبۋدە شۆەيتساريانىڭ جولى بولدى. ەندى شۆەيتساريا شيرەك فينالدا 2 -شىلدەدە يسپانيامەن شەبەرلىك بايقاسادى.

ەسكە سالساق، بۇدان بۇرىن دانيا ءۋەلستى 4:0 ەسەبىمەن جەڭىپ، يتاليا اۋستريانى وۆەرتايمدا 2:1 ەسەبىمەن تىزە بۇكتىردى. ءۇشىنشى كەزدەسۋدە چەحيا نيدەرلاندىدان 2:0، ودان كەيىن بەلگيا پورتۋگاليادان 1:0، يسپانيا حورۆاتيادان 5:3 ەسەبىمەن باسىم ءتۇستى.

ايتا كەتسەك، جارىستىڭ 1/8 فينالىندا ەندى 29 -ماۋسىمدا انگليا مەن گەرمانيا، شۆەتسيا مەن ۋكراينا جاسىل الاڭعا شىعادى.